„Јас имам вишок килограми, а мојот сопруг е фит и секси – сите мислат дека е со мене за пари и дека ме изневерува“
- Детали
- сабота, 09 јули 2022
Алисија од Канада е плус-сајз инфлуенсерка која неодамна се соочи со ужасни коментари поради нејзиниот сопруг – бидејќи тој е фит, корисници на ТикТок коментираа дека е со неа за нејзините пари, дека сигурно ја изневерува, па дури и дека парот лаже дека е заедно.
32-годишната Алисија Мекарвел од Канада е плус-сајз инфлуенсерка со над 800.000 Инстаграм следбеници. Таа и нејзиниот сопруг Скот се заедно 16 години, односно уште од средно.
Со својот профил, Алисија сака да промовира љубов кон себе и да им помогне на сите да се прифатат онакви какви што се.
https://www.instagram.com/p/CcB3ahspTId/
Нејзините пораки генерално содржат позитивни и мотивирачки пораки, а одвреме-навреме споделува и детали од секојдневието со саканиот. А, од објавите е очигледно дека тие се пресреќни заедно.
Но, Алисија се соочи со ужасни коментари само затоа што нејзиниот сопруг е фит, а таа има вишок килограми.
Инфлуенсерката има и ТикТок профил каде што неодамна сподели видео на кое таа и сопругот се подготвуваат да одат на свадба.
Алисија била непријатно изненадена кога забележала дека во коментари голем број корисници ѝ велат дека Скот сигурно не ја сака бидејќи има вишок килограми.
@aliciamccarvell My forever wedding date ♥️ @scottymc4 ♬ original sound - cam
Дел од коментарите:
„Сигурно те изневерува“.
„Не верувам дека сте пар, но во ред“.
„Сигурно е со тебе за пари“.
„Сигурно го ’спознорираш‘, инаку не разбирам“.
„Се прашувам дали била дебела кога се запознале?“
За Buzzfeed, Алисија открива дека откако го споделила видеото, некоја девојка му испратила порака на Скот и го „посоветувала“ да си најде послаба девојка.
„Верувам дека сите сме ги научиле истите работи за дебелината и стандардите за убавина. Но, јас успеав да ги одучам бидејќи сум дебела и бидејќи не ги достигнам смешните стандарди.
Кога некој ми остава вакви коментари на објавите, тоа е бидејќи верува во истите работи во коишто верував и јас. Верува дека нашата вредност се крие во изгледот на нашето тело.
Мислам дека е важно да размислувате за ова бидејќи овие стандарди за убавина имаат влијание врз СИТЕ“.
На видеото на Алисија, има и бројни коментари со поддршка:
„Запрепастена сум од коментарите. Јас гледам прекрасен пар кој се сака“.
„Гледам две прекрасни личности кои се вљубени и целосно го поддржувам тоа!“
„Сите знаеме што мисли Скот – се прашува како имал среќа да ја најде Алисија! Изгледате прекрасно заедно“.
„Лошите коментари покажуваат колку многу луѓе оценуваат според изгледот. Можеби ќе бевте посреќни ако не го правевте тоа“.
„Додека ги читам коментарите си мислам како ќе ги воспитам моите деца подобро од овие плитки луѓе“.
„Сигурно е со неа затоа што… таа е прекрасна!“
Повеќе фотки од парот:
Спирова С. | Црнобело
Би можело да ве интересира:
Препорачуваме
Најчитани неделава
