Босанка со исповед: „Тоа што одбивам да ги скубам веѓите и да ги депилирам мустаќите ми го подобри љубовниот живот“
- Детали
- недела, 03 јули 2022
„Мажите обично зјапаат во мене како да имам трета глава, а уште на самиот почеток можам да ги исчистам несоодветните додворувачи“ – раскажува оваа 31-годишна учителка со потекло од Босна, која живее во Данска.
Елдина Јагањац (31) по потекло е од Босна, а живее во Копенхаген, Данска, каде работи како учителка. Таа вели дека тоа што две години одбива да ги скубе веѓите и да ги депилира надусниците, во целост ѝ го променило љубовниот живот.
Таа во март 2020-та година одлучила да престане да ги скубе вегите и да ги депилира надусниците и денес е препознатлива на социјалните мрежи по своите „гајтан“ веги и израснатите мустаќи.
Освен тоа, таа престанала да ги бричи влакната на нозете и да се депилира, па на нејзините фотографии може да се забележат и израснати влакна на нозете и на рацете.
Според неа, одлуката ѝ овозможила повеќе да се сконцентрира на другите приоритети во нејзиниот живот и воопшто да не се грижи за тоа што мислат другите луѓе за неа.
На Елдина во последните две години ѝ се случило да добие критики од непознати луѓе на улица, а вели некои мажи зјапаат во неа како да има „трета глава“.
„Се случувало луѓе да ми пријдат на улица и да ми кажат дека сум ‘кул’, но и такви што ми се развикале. На почеток тоа беше непријатно, но ако некои луѓе немаат друга работа и сакаат да викаат по непознати луѓе, тоа е нивен проблем“ – вели таа.
Како што вели, тоа што одбива да се грижи за сопствениот изглед ѝ помогнало да ги „исчисти“ несоодветните мажи од нејзиниот живот, а уверена е дека мажите го коментираат нејзиниот изглед само заради тоа што и самите се несигурни.
Вегите, мустаќите и другите обраснати влакна на нејзиното тело ги наведуваат да размислуваат за тоа што значи да се биде маж.
„Добивам многу посериозно внимание и можам да ги исчистам поконзервативните мажи уште од самиот почеток“ – вели таа.
Според неа тоа што одбила да се придржува до утврдените норми за женскиот изглед, на некој начин ѝ помогнало да си ја зголеми самодовербата.
„Сега сум посамоуверена затоа што не се плашам да изгледам поинаку и сметам дека можам да правам повеќе нетрадиционални избори воопшто.
Тоа ми помогна да бидам поотворена, покреативна и ми ја зголеми храброста. Секој треба да го прави тоа што сака да го прави.
Секако, на некои работни места мора да ги задоволувате критериумите за изглед и не можете да правите компромиси“ – вели таа и додава дека секој што сака да почне да го негува природниот изглед би требало полека да следи како ќе реагира средината на таа промена.
Инаку, Елдина во моментов има 25.400 следбеници на Инстаграм, погледнете дел од нејзините фотографии:
Б. С. Б. | Црнобело
Би можело да ве интересира:
Препорачуваме
Најчитани неделава
