Пар од Хрватска направи свадбена фотосесија на најопасниот товарен воз во светот кој се движи низ Сахара (фото)

Детали

вторник, 28 јуни 2022

Пар од Хрватска го помина медениот месец во малкупозната афричка држава и направија необична свадбена фотосесија на најопасниот товарен воз кој пренесува железна руда и се движи низ пустината Сахара на 45°С. 20-часовното патување било предизвикувачко, но уникатно исксутво - би се осмелиле ли вие да се качите на овој воз?

Кристијан Иличиќ е авантурист од Хрватска кој преку својот Инстаграм профил постојано нѐ носи на патувања низ земји за кои знаеме многу малку.

https://www.instagram.com/p/CelAvE7tOm0/

Овојпат нѐ изненади со екстремна, различна и оригинална пост-свадбена фотосесија на најопасниот товарен воз во светот кој е долг 2км и се движи низ пустината Сахара.

Заедно со неговата сопруга Андреа Трговчевиќ решија да отидат на еден поинаков меден месец и тоа во една далечна република наречена Мавританија. Мавританија е сместена во Северозападна Африка и е малку позната држава. 

https://www.instagram.com/p/CeN1VQjjZEe/

Сепак, смелите младенци решија да ја посетат и да се качат на најтешкиот воз, кој постојано се движи од пристаништето Нуадибу на брегот на Атлантикот до рудниците за железна руда во градот Зуерат и обратно.

Патничките вагони само понекогаш се прикачуваат на товарните возови, па останатите денови локалните жители избираат да се возат бесплатно врз товарните вагони исполнети со железна руда.

https://www.instagram.com/p/CeGNxMCDWLh/

Можеби за нив е секојдневие, но за Кристијан и Андреа е нешто ново, но сепак различно и незаборавно искуство.

Кристијан споделува дека 20-часовното возење е навистина предизвикувачко, а временските услови се екстремни, бидејќи преку ден температурата може да достигне до 45 Целзиусови степени, а ноќите се многу студени.

И покрај многуте предизвици, фотографиите се доказ дека парот навистина уживал во оваа возбудлива авантура.

Дали би се осмелиле да се качите на овој воз? Погледнете ги фотките:

М. Г. | Црнобело