Вработен во Дизниленд прекина и уништи магично запросување без срам – видео кое предизвика лавина од реакции
- Детали
- четврток, 09 јуни 2022
„Вработениот го направи тоа што мора, а откако скандалот се прошири, најверојатно ќе заработи отказ“. Во оваа насока одат коментарите за видеото на кое се гледа како вработен во Дизни прекина магично запросување пред замокот на Заспаната убавица и го упати парот да премине на друго место.
На социјалните мрежи брзо се прошири видео во кое се гледа како вработен во Дизни паркот во Калифорнија прекина магично запросување што требаше да се случи пред замокот на Заспаната убавица.
Наводно настанот се случил на 21-ви мај годинава, а момчето претходно побарало дозвола за да ја запроси својата сакана.
Додека тој клекнат на едно колено ја бара својата партнерка за сопруга, вработениот во еден миг му го зема прстенот и им кажува да се симнат долу, затоа што таму запросувањето ќе било подобро.
Објаснувањето е дека парот влегол во забранетата зона, а откако видеото се прошири на социјалните мрежи, од Дизни паркот упатија јавно извинување за настанот и велат дека веќе му се извиниле на парот и понудиле да направат сѐ што е во нивна можност за да ги поправат работите.
Видеото беше оригинално објавено на Reddit од страна на најдобриот пријател на момчето што сакало да ја запроси својата девојка, а оттаму брзо се прошири и на другите социјални мрежи.
Додека едни во коментари го оправдуваат однесувањето на вработениот, други пак, сметаат дека тоа што го направил не е во ред и ја осудуваат политиката на паркот што од една страна наплаќа за ваквите посебни запросувања, но цврсто се држи до правилата дека посетителите не смеат да одат во забранетите делови.
„Како поранешен вработен во Дизни, мора да кажам дека вработениот не направи никаква грешка. Навистина ми е жал за парот, но не знаете со какви последици може да се соочи доколку дозволеше запросувањето да продолжи на тоа место. Вработениот се справи ситуацијата онака како што нѐ учат да се справуваме“ – стои во еден твит.
https://twitter.com/psychomachias/status/1533521765305032706
„Вработениот што го прекина запросувањето во Дизни е совршен пример за некој што претерано сериозно си ја сфаќа работата. Се сомневам дека го плаќаат доволно за да го направи тоа што го направи и без разлика на сѐ сметам дека сега ќе го отпуштат. Буквално го зеде прстенот од раката на момчето“ – се вели во друг твит.
The dude who interrupted the Disney proposal is the perfect example of someone taking their job too seriously. I doubt he gets paid enough to do that anyways and I think it’s almost guaranteed that he’s gonna get fired. He literally snatched the ring out of the dude’s hand. Smh.
— AARASH (@aarashmusic) June 4, 2022
Погледнете го видеото од запросувањето:
Б. С. Б. | Црнобело
Би можело да ве интересира:
Препорачуваме
Најчитани неделава
