Од монтер на клими до милионер - Кој е Игор Ковитски, чија сопруга се обиде да изнесе 30 милиони долари од Украина?

Детали

вторник, 22 март 2022

Сопругата на украинскиот пратеник Игор Ковитски, Анастасија била фатена како се обидува преку бегалски премин од Украина во Унгарија да пренесе 28 милиони долари во кеш и 1,3 милиони евра. Што знаеме за Игор Ковитски, најбогатиот украински пратеник?

Во светските медиуми деновиве масовно се споделуваат фотографиите од шест полни куфери со пари што наводно на 14-ти март сопругата на украинскиот пратеник Игор Ковитски, Анастасија се обидела да ги пренесе преку границата во Унгарија.

Фотографиите со куферите се споделени на Фејсбук страната на Украинското државно биро за разузнавање, а набрзо во медиумите се појави и информацијата дека парите се обидела да ги пренесе сопругата на поранешниот пратеник.

Поранешниот пратеник ги негира ваквите пишувања и тврди дека сите негови пари се во украинските банки. Како што рече, точно е дека неговата сопруга се обидела да ја премине границата за да се породи во Унгарија, но не е точно дека со себе носела пари.

Според пишувањата во украинските и во светските медиуми, Анастасија ја преминала границата заедно со нејзината мајка Галина Кучер и од украинска страна не пријавила пари, а во Унгарија морала да ги пријави, откако цариниците ги пронашле полните куфери.

Кој е Игор Ковитски и што знаеме за него?

Игор Ковитски (52) e украински политичар, бизнисмен и поранешен пратеник.

Во 1992-ра година Игор работел како инсталатор на системи за вентилација и климатизација, а во 1993-та година почнал да работи како заменик генерален директор за технички прашања во LLC „Hungarex“. Од 1993-та година до 2014-та година бил на повеќе високи функции во компанијата „Инвестор“ во Харков, а се знае дека има удел во повеќе поголеми компании за гас од Украина.

Игор завршил 4 факултети: фармација, бизнис и менаџмент, финансии и правен факултет. Тој бил пратеник во украинскиот парламент од 2006-та до 2019-та година.

Игор важи за најбогатиот пратеник во украинскиот парламент. Украинските медиуми пишуваат дека тој при крајот на 2014-та година пријавил дека има над 1 милион евра на неговите сметки, а во август истата година се коригирал и рекол дека има околу 30 милиони евра.

По повлекувањето од функцијата во парламентот Игор најави дека ќе се занимава повеќе со сопствениот бизнис и има намера да инвестира во обновливи извори на енергија во Украина. 

На следната страна факти за неговата сопруга која е актуелна деновиве...