Емотивна глетка: Украинците бегалци во прегратка ги пренесуваат милениците преку граница

Детали

вторник, 01 март 2022

Со своите мачиња и кучиња стегнати во прегратка, Украинците ја минуваат границата кон соседните земји. Барем мала утеха среде најмрачните денови што ги живеат, зарем не?

Многу Украинци ја напуштаат својата родна земја поради војната со Русија и засолниште бараат во соседните земји како Романија, Полска и Унгарија.

За премин на милениците од Украина во овие земји имаше строги правила за вакцини, чипови и специјални тестови на животните, но тоа би траело предолго, па затоа на Украинците сега им е дозволено да ги пренесат милениците преку граница без потребната документација.

Олабавувањето на мерките го искористија многу Украинци и луѓе кои живеат во Украина, а сцените како тие ги пренесуваат своите миленици во прегратка се навистина емотивни.

Абдула Елкоби (21) со потекло од Мароко бил студент на Универзитетот во Украина и е иден доктор, кој границата кон Полска ја мина со своите две мачки Стела и Санта во раце.

Дел од емотивните сцени:

С. С. | Црнобело