Девојка што остана неподвижна по незгода, се омажи за физиотерапевтот и патува низ светот

Детали

вторник, 19 март 2019

„Јас сум Џулија, без разлика што по незгодата останав врзана за инвалидска количка, нема да престанам да патувам, тоа прави да се чувствувам слободна.“

Психологот Џулија Ламарка (27) од Италија се возела со својот мотор по патот кој го возела изминатите 5 години, но тркалото ѝ се излизгало и имала незгода.

Таа добила оштетен пршлен и прогноза да го мине животот во инвалидска количка. Имала сериозна операција и морала да остане во болница цела година за да има по 2 сесии физиотерапија 5 пати во неделата.

За време на рехабилитацијата, го запознала нејзиниот физиотерапевт Андреа Декарлини со кој минала огромен број на часови работејќи на закрепнувањето од повредата.

И покрај повредата Џулија во болницата кажувала шеги секој ден и се обидувала да остане позитивна.

Андреа ја освоил Џулија кога во болницата ѝ оставил порака со потпис „од личноста што те знае најдобро“.

Двајцата се вљубиле и стапиле во брак 5 години по несреќата.

Сега, Џулија и Андреа патуваат низ светот заедно и планираат еден ден да имаат дечиња. Џулија на сите им порачува дека ништо не смее да ве спречи да уживате во животот до максимум, затоа што неа не ја спречува ниту тоа што е врзана за количка.

Од 2011 година до сега парот има минато 23 земји и не планира да сопре.

С. С. | Црнобело