Што е Momo Challenge, ликот што се појавува во онлајн цртани и ги тера децата на самоубиство?

Детали

четврток, 28 февруари 2019

Momo Challenge е новиот предизвик кој сее страв кај родителите, заради опасноста по животот на нивните деца, а се работи за страшен лик кој се појавува во детски видеа и ги тера децата да следат инструкции за самоубиство.

Станува збор за страшен лик кој наводно се појавува во YouTube видеа од цртани филмови и други детски програми и ги охрабрува децата да прават опасни задачи кои на крај завршуваат со самоубиство.

Постојат тврдења дека овој страшен лик се појавил во видео со Peppa Pig, а некои тврдат дека ликот го пронашле и во игри како Fortnite.

Според тврдењата, видеата започнуваат сосема нормално и нема никакви сомнителни работи, а среде видеа, се појавува ликот и ги тера децата да го додадат на WhatsApp, заканувајќи им се дека во спротивно ќе дојде во сон и ќе ги убие.

Откако ќе го додадат, страшниот лик им дава инструкции на децата да го вклучат шпоретот додека сите спијат, да ги испијат апчињата на родителите и други дејствија кои може да им наштетат по нивниот живот.

Родителите ширум светот се во паника и постојано споделуваат предупредувања на социјалните мрежи, со што веста вирално се прошири.

Дури и Ким Кардашијан на Инстаграм ги предупреди родителите за овој страшен предизвик кој создаде паника и страв.

Сепак, не постојат докази за ова, како и за случаи на самоубиство кои се поврзани со овој предизвик, а од YouTube демантираат и велат дека немаат никаков доказ за Momo Challenge на YouTube.

We want to clear something up regarding the Momo Challenge: We’ve seen no recent evidence of videos promoting the Momo Challenge on YouTube. Videos encouraging harmful and dangerous challenges are against our policies.

— YouTube (@YouTube) February 27, 2019

Иако не постои потврда за тоа дали е ова вистина, сепак предупредување до сите родители - иако за жал не може да им ги забраните телефоните и видеата, сепак, внимавајте на вашите деца и контролирајте што гледаат на интернет, бидејќи дури и самата приказна и изглед на ликот може да создадат сериозен страв кај детето. 

М. М. | Црнобело