Познатиот режисер Дејвид Линч со моќна кампања против семејно насилство

Детали

недела, 22 мај 2016

Четири навидум едноставни, но моќни постери, ја обединуваат темата семејно насилство, која, и покрај развојот на општеството, сè уште е силно присутна, но и табу-тема, за која не се зборува премногу и се чува сокриена под тепихот.

Реализираната идеја е резултат на соработката помеѓу креативната агенција Herezie Paris и фондацијата на режисерот Дејвид Линч, креаторот на култната тв серија Twin Peaks.

Фондацијата која е основана во 2005-та година, им помага на жртвите кои се соочуваат со трауматични искуства поради семејно насилство, но и на проблематични тинејџери, воени ветерани...

Фотографиите, производ на визуелно-естетската визија на Питер Липман, отсликуваат 3 различни ситуации – затвор, семејно насилство, мачење и застрашување, а транзицијата помеѓу црно-белиот свет симболизира надминување на стресот од траумите со позитивен исход.

(О)Милена | Црнобело