Поука од една трагична смрт: Како да запре малтретирањето на интернет?

Детали

вторник, 23 февруари 2016

Џејн Клементи била среќна мајка на три деца и медицинска сестра, но пред неколку години животот целосно ѝ се променил. Пред 9 часот, нејзиниот 18-годишен син Тајлер, застанал пред мостот George Washington и објавил Фејсбук статус: „Скокам од мостот gw - извинете“.

Илјадници млади луѓе се самоубиваат на годишно ниво, но приказната на Тајлер го привлече вниманието на целиот свет. Неколку денови пред да се самоубие некој ја употребил дигиталната технологија за да го малтретира и да се шегува со него.

Трагедијата откри неподнослива вистина - технологијата може да го трансформира животот на младите луѓе, но ако падне во рацете на суровите и злонамерните, има моќ да го уништи.

Сајбер малтретирањето, во кое е вклучено и објавувањето на приватни видео снимки и фотографии на порно страните, денес не се случува толку многу како во минатото, но засрамувањето и понижувањето сè уште се драстично застапени.

Од злобни коментари до закани за насилство од различен тип на социјалните мрежи, постојано влијаат на дефинирањето и градењето на идентитетот на младите. Денес живееме во култура која не ги вреднува учтивоста и сочуствителноста.

Токму затоа родителите на Тајлер ја отвориле Фондацијата која се обидува да ја подигне свеста на луѓето околу тоа колкаво значење има сајбер малтретирањето.

Насилникот во случајот на Тајлер Клементи бил неговиот цимер Дарин Рави. Тајлер бил млад талентиран човек. Штотуку се запишал на Универзитетот Рутгерс, започнал да свири виолина за престижниот симфониски оркестар на Универзитетот и ја дефинирал својата сексуалност. Клементи открил на своите родители дека е хомосексуалец.

Рави случајно открил за сексуалната ориентација на својот цимер откако го видел со друг маж, а потоа своето откритие го споделил на социјалните мрежи и ги охрабрил колегите да дојдат да набљудуваат следниот пат кога Тајлер ќе има друг маж во неговата соба.

Тогаш започнале негативните коментари и малтретирањето кои довеле до трагичната несреќа.

Фондацијата на неговите родители има за цел да ја подигне свеста, да ги повика луѓето анонимно да ги подржуваат оние кои се исмевани на интернет. Да им помогнат да младите луѓе да си ја вратат самодовербата.

Така започна и иницијативата против малтретирањето „I Am a Witness“:

Н. Г. | Црнобело