Врв на апсурдот: Фотографија од компир продадена за еден милион долари

Детали

четврток, 28 јануари 2016

Колку мислите дека вреди оваа фотографија од обичен компир? Веројатно би рекле дека ни би ја купиле ни за денар, но продадена е за 1 милион долари.

Токму така, „Potato #345“ е направена од страна на ирскиот уметник Кевин Абош, а бизнисменот која ја купил, дал за неа 1,089,335 долари.

Абош е познат по своите портрети и претходно има фотографирано познати личности како Јоко Оно и Џони Деп.

Човекот кој ја купил фотографијата, сака да остане анонимен. Сè што се знае за него е дека е богат бизнисмен кој очигледно може да потроши 1 милион долари за навидум едноставна фотографија по само неколку пијачки.

„Не ми е прв пат некој да дојде во мојот дом и да посака некоја фотографија која е закачена на моите ѕидови, но оваа е фотографија за која сум добил најмногу пари. Испивме две чаши вино и ми кажа дека му се допаѓа фотографијата, по уште две чаши ми кажа дека навистина сака да ја поседува фотографија“ - вели уметникот.

Сега е негова, за 1 милион долари.

Н. Г. | Црнобело