Ѕидови на добрината: Во Иран анонимни луѓе закачуваат облека за бездомниците

Детали

среда, 23 декември 2015

Иран сè уште страда од глобалната рецесија, а интернационалните истражувања велат дека таму бројот на сиромашни и бездомни луѓе е зголемен за 40% во последните 8 години. Има околу 15.000 бездомници само во Техеран.

Да се биде бездомник, посебно во Техеран, може да биде брутално. Просечните температури во зимата се под нулата, доволни за да ве замрзнат. Овие температури знаат да бидат погубни за бездомниците.

Но, некој започнал вистинска револуција...

Во градот Машад, лоциран во североисточен Иран, анонимен човек поставил куки и закачалки на ѕид од една зграда со важна порака: „Ако не ви треба, оставете. Ако ви треба, земете“.

Во само неколку дена, непознати луѓе започнале да оставаат облека на ѕидот за бездомните лица.

Овој ѕид инспирирал уште многу Иранци да поставуваат закачалки и на ѕидовите на својот дом за сите оние кои имаат потреба од топла облека оваа зима.