Позитив на денот: Кога непознат човек ќе ви го промени животот од корен

Детали

петок, 06 ноември 2015

Ова е уште една од оние животни приказни која може да ви го стопи срцето и да ве инспирира. Tогаш кога се сомневате во себеси и своето животно патешествие, ќе ви помогне да продолжите понатаму.

Џејмс е самохран родител кој заедно со својот син станале бездомници. Решил да се преселат од Њујорк во Денвер по план дека тука ќе ги очекуваат дом и работа, но ситуацијата не била таква - договорите за куќата во која требале да живеат, не се исполниле и останале на улица. 

Само два дена потоа, бил интервјуиран од страна на Леон Логотис кој е основач на организацијата Go Be Kind Tour.

„Треба да се симнете најдолу на самото дно за да ги почитувате едноставните работи во животот и оние кои знаете дека ве очекуваат“ – така ја започнува приказната Џејмс.

На прашањето како останува весел и насмеан и покрај сите тешкотии со кои се соочува, тој вели: „Мојот син е горивото кое го држи мојот огин постојано запален, но тука се и молитвите кои секогаш прават да се чувствувам подобро“.

Така започнуваат позитивните промени во животот на овој човек. Леон му оставил 1.000$ како за почеток за да имаат каде да се сместат со синот, барем првата недела и започнал кампања  Indie Go Go со која Џејмс и неговиот син повторно ќе имаат топол дом.