Новинарка сопнува имигрант со дете во раце кој бега од полицијата во Унгарија

Детали

среда, 09 септември 2015

Стотици имигранти бегаат од полицијата која ги брка од кампот за регистрација во Унгарија, а на Твитер се појави видео од жена која ја снима целата ситуација и со својата нога се обидува да им помогне на полицајците кои сакаат да ги задржат.

Ова видео кое се појави на Твитер покажува како новинарите ја снимаат ситуацијата каде полицијата ги брка имигрантите обидувајќи се да ги задржи на едно место.

Пред крајот на самото видео една од новинарките намерно сопнува еден исплашен имигрант кој го држи во раце своето дете и бега од полицијата.

Lage in #Roeszke#Hungary weiter schlimm - Polizei überfordert - Flüchtlinge durchbrechen Polizeikette - Verletzte! pic.twitter.com/GlMGqGwABb

— Stephan Richter (@RichterSteph) September 8, 2015

 Нешто подоцна се појави уште едно видео во кое истата новинарка повторно е прикажана како сопнува имигранти.

Станува збор за новинарка од унгарската телевизија N1TV која предизвика голем број на гневни пораки насочени кон самата телевизија, па уредникот на телевизијата објавил на Фејсбук дека новинарката е отпуштена како резултат на нејзиното непристојно однесување.