Петте најдобри шпиони меѓу жените

Детали

понеделник, 01 јуни 2015

Во пресрет на акционата комедија „Шпиони“ направивме краток осврт на историските личности...

Поголемиот дел од луѓето слушнале за шпионските потфати на Џозефин Бејкер или Мата Хари, но низ историјата продефилирале бројни жени кои се занимавале со оваа работа. Ви претставуваме пет жени чии судбини заслужиле да бидат екранизирани.

1. Нур Инајат Кан

Пораснала во Франција, каде што студирала детска психологија и музичка академија. Се занимавала со пишување детски раскази, а потоа започнала Втората светска војна и била регрутирана од страна на француската секција за специјални операции. Во еден миг била единствената личност која од окупираниот Париз им праќала пораки на сојузниците. Поради предавство од страна на колега завршила в затвор, а потоа и во логорот Дахау. Никогаш не „исцинкала“ свој соработник. 

2. Ненси Вејк

На 16-годишна возраст побегнала од дома и од Австралија заминала во Њујорк каде што работела како новинар. За време на Втората светска војна престојувала во Европа каде ги видела сите грозотии на германскиот окупатор. Тогаш решила да се вклучи во борбата против нацистите. Набрзо изградила цврст углед, го добила прекарот „Бел глушец“ бидејќи секогаш успевала да го избегне своето апсење, а нејзината „глава“ била уценета со пет милиони франци

3. Јошико Кавашима

Имала кинеско потекло и била потомок на кралското семејство Манчу. На осум години останува без родители и тогаш била посвоена од јапонскиот шпион Нанива Кавашима. Со години ги вежбала сите боречки вештини и кога пораснала станала „евтина“ хероина. Иако работела како одличен шпион за разни агенции, сакала јавно да се фали. на тој начин ја довела во прашање својата кариера, а завршила трагично кога кинеските власти ја осудиле за предавство.

4. Мануела Саенз

Уште една жена со фасцинантен живот кој е поврзан со латино-американската борба за независност. Позната е како љубовница на револуционерот Симон Боливар, а тој ја нарекол своја спасителка, бидејќи му помогнала да побегне од Богота. За време на својот живот таа учествувала во бројни револуции и политички игри. 

5. Мелита Норвуд

Била најважниот шпион на КГБ и работела за оваа служба над 40 години. Била симпатизер на комунистичката партија и решила да стане шпион на Советскиот Сојуз во Велика Британија. Се вработила во еден истражувачки тим каде што собирала податоци за нуклеарната програма. Никогаш не била откриена, а дури 35 години по нејзиното повлекување се откриени некои детали од нејзиното работење како шпион.

 
Можеби не е шпион како горенаведените, но Мелиса Мекарти одлично се снајде во својата улога во филмскиот хит „Шпиони“. Покрај неа, во главните улоги играат и Џејсон Стетам и Џуд Ло, додека режијата е дело на проверениот режисер Пол Фиг.

Ова најново филмско остварување пристигнува во кино-салите на 4 јуни.