Двојникот на Алан од The Hangover живее живот од соништата: Го плаќаат за да се журка и жените го обожаваат

Детали

вторник, 10 март 2015

Поранешниот управител на ресторан Тадеус Калиноски живее живот каков секој маж посакува, благодарение на сличноста на Алан од филмскиот хит The Hangover.

Тадеус заработува околу 250.000 долари годишно, а негова работа е да биде присутен на главните журки во Лас Вегас, баш како што се журкаше Алан.

„Тоа што станав Алан ми го промени животот засекогаш. Сега живеам во Лас Вегас и по цел ден се журкам, само затоа што луѓето ги потсетувам на него. Сè уште се штипкам за да се уверам дека ова е вистина. Секој ден живеам како да сум во филм, а некои авантури кои ги доживувам се речиси идентично луди како оние од филмот“.

На почетокот, ова било краткорочно решение за Тадеус да заработи, но не ни претпоставувал дека може да се претвори во кариера.

„Денес тоа е мојот живот и не ми се случуваат два исти дена. Се смеам цело време, тоа е најдобрата работа која ми се случила“.

Кога во кината за прв пат се појавил филмот, Тадеус работел како управител во хотел и ресторан во Филаделфија и бил оженет. Но, за само неколку месеци целиот живот му се променил и распаднал.

„Неколку месеци не се бричев, бев во депресија, но кога се погледнав во огледало заклучив дека изгледам како Алан. Луѓето почнаа да ми кажуваат дека личам на него, па одлучив дека така можам добро да заработам. Се преселив во Атлантик Сити, па случајно со еден пријател отидовме во Вегас на викенд. Тогаш сè се промени. Цел викенд луѓето ми приоѓаа, ми ги плаќаа пијачките и позираа со мене“,  раскажува двојникот на Алан.

Откако едно момче му дало 100 долари за сликање, Тадеус решил да го продолжи својот викенд во Лас Вегас.

Тогаш станал најпознатиот човек по улиците на Вегас и ги започнал турите по улиците и коцкарниците.

Пробајте да пронајдете барем една разлика:

• 
• 
• 
• 
• 
• 
• 
• 
• 
• 
• 
• 
•