Прашањето на ова девојче го расплака и папата

Детали

вторник, 20 јануари 2015

Поглаварот на католичката црква откако одржа говор на Католичкиот универзитет на Филипините, започна да се поздравува со луѓето околу него.

Она што не го очекуваше е дека едно од дечињата на кое му даде благослов ќе постави прашање кое ќе го остави во солзи.

12-годишната Глизел Паломар која останала сираче имала подготвен говор за Папата, но наместо тоа, само го прашала низ солзи:

„Зошто Бог дозволува толку многу деца да бидат присилени на проституција и дрога? Децата не се криви за ништо.“

Заради ова папата се откажал од подготвениот говор на англиски јазик и му одговорил на девојчето на мајчиниот јазик:

- Таа е единствената која постави прашање за кое не постои одговор. Нејзините солзи дополнително ја изразија немоќта пред ова прашање. Сите ве поттикнувам да се запрашате дали сте научиле како да плачете, како да се потиштите кога ќе видите гладно дете, дете кое на улица се дрогира, сираче, дете кое трпи малтретирање и кое е користено како роб.