Им кажале дека нивниот син починал, а тој им ја отворил вратата на која тропнале

Детали

вторник, 14 октомври 2014

Еден средовечен пар од Алјаска, Карен и Џеј Прист, доживеал непријатно изненадување кога локален полицаец им затропал на вратата од нивниот дом, во 3 часот наутро.

„Знаевме дека нешто се случило. Не е добро кога полицаец ќе тропне на врата во 3 часот наутро,“ вели Карен Прист.

Тој им соопштил тажна вест која им го срушила светот - нивниот 29-годишен син Џастин починал заедно со 9 неделниот жолт лабрадор.

Откако се јавиле во полициската станица, и од таму им потврдиле дека Џастин починал во сообраќајна несреќа, кога неговиот автомобил удрил во дрво со огромна брзина.

Џеј и Карен започнале да им се јавуваат на најблиските за да им ја соопштат веста. Извозеле цели 70 километри за да стигнат до нивниот друг син Коди, кој откако ја слушнал веста целосно изгубил свест.

Следна дестинација им била девојката на Џастин, која била во врска со него 5 години. Пристигнале во нејзиниот дом и затропале на вратата.

Отворил нивниот син Џастин.

„Ја отвори вратата и се појави. Додека да му го погледнам ликот, Џеј пребледе. Сакав да биде вистина, но се прашував да не халуцинирам. Џастин немаше претстава што се случуваше.“

Кога мајката, таткото и братот на Џастин добро го погледнале, започнале гласно да вриштат.

„Не знаев зошто сите викаат,“ вели Џастин. „Бев малку поспан, а тие упорно викаа!“

„Најпрво, мислев дека се работи за некој трик, шега, скриена камера. Но, полека почнаа да ми раскажуваат. Како зборовите течеа, така прегратките и солзите се преплетуваа,“ раскажува Џастин.

Тој се јавил во полициската станица, да ги извести дека се во заблуда.

Од полициската станица откриле дека името на вистинската жртва е Џастин, но тој имал различно презиме, година на раѓање и средно име.

„Бев шокиран и не можев да престанам да го прегрнувам мојот син. Никогаш во животот не сум плачел толку,“ вели таткото на Џастин.

Приказната завршила со извинување од полициската станица.

Сепак, чувствата сè уште се измешани, цела недела по трагичната вест адресирана на погрешно место.