Татко болен од рак ја одведе пред олтар својата 11-годишна ќерка

Детали

четврток, 03 април 2014

Таткото на 11-годишната Џози Зец нема да биде присутен на денот на нејзината свадба. Но, благодарение на фотографката Линдзи Вилаторо девојчето можеше да си замисли како тоа би изгледало.

Таа е позната фотографка која прави фотосесии на семејства со емотивни, најчесто тажни приказни, а таа им овозможува да направат спомени од некои најзначајни моменти кои ќе сакаат да ги зачуваат.

Една таква приказна е и за Џози и нејзиниот татко кој е болен од рак на панкреасот и нема да живее уште долго.

Па, наместо роденденска забава Линдзи ѝ организирала свадба на малата невеста.

Подготвила цвеќе, подароци, па дури и прстен и невестински фустан, за да може таткото да ја одведе Џози до олтарот.

Тоа биле најубавите моменти во нејзиниот живот. Спомени кои вечно ќе ги чува. Колку и да звучи и изгледа необично и чудно, оваа емотивна приказна допира до сите.