Ти благодарам за сè! Шимпанзо со прегратка им се заблагодари на своите спасители

Детали

петок, 14 февруари 2014

Приказната за Вунда, шимпанзото кое е спасено од канџите на криумчарите на животни, пуштена е во дивината каде што припаѓа.

Таа доаѓа од Конго, а нејзиното име на тој јазик значи „блиску до смртта“. Таква била и кога ја пронашла Џејн Гудал од Институтот за рехабилитација на шимпанза.

Како една од жртвите на нелегална трговија со животни, Вунда била преслаба и многу болна, живеела во услови кои се незамисливи за едно живо суштество. Биле потребни години за да заздрави и да биде онаква каква што е денес.

Сепак, Џејн Гудал создала место кое на шимпанзата им овозможува безбеден живот кој не е ограничен со жици, решетки и кафези.

Во моментот кога ја однеле во дивината и ја пуштиле од кафезот, Вунда станала, прошетала и го почувствувала мирисот на природата и чувството на слобода.

Потоа се вратила кај спасителите кои ја донеле и следувал најемотивниот момент кога се приближила до Џејн и ја прегрнала како вистинска пријателка на која ѝ го должи животот.

Прегратка која значи „Ти благодарам за сè“!