Знаевте ли дека какаото го берат дечиња кои никогаш не пробале чоколадо?

Детали

понеделник, 10 февруари 2014

Темна и горчлива, кафена и опојна, светла и слатка, со лешници, кокос, цимет, мед, бадеми, па дури и со гумени бонбони, маслиново масло... Тоа е чоколадата, неодоливиот десерт која секој ден од ново го пронаоѓа патот до нашето срце.

Патот пак на зрната какао од стеблата до сласната темна плочка или раскошните пралини трае неколку месеци, а основата на зрното какао речиси и да нема многу заеднички карактерисики со чоколадите кои ги купуваме.

Она што ние го нарекуваме чоколадо е далеку од вистинско чоколадо, па така нашите непца се насладуваат со многу мал процент какао.

И додека вие се грижите за тоа колкав процент на какао содржи вашето омилено чоколадо, го занемарувате фактот дека тоа какао е собирано од малолетни, премногу млади дечиња кои се претворени во работници.

Малкумина знаат дека на плантажите со какао работат дечиња кои никогаш не го пробале неговиот вкус.

За жал, ова е реалноста: Децата се најспособни за искачување по високи дрва, а воедно се и најевтината работна сила во многу индиски држави, па затоа токму таму се произведува основата на светски познатите чоколадни задоволства.