Како живеат децата во геј браковите: Сакани, успешни, горди

Детали

вторник, 04 февруари 2014

Во моментот кога целиот свет води дебати за рамноправноста на геј браковите и додека по една нова земја секој ден официјално ги прифаќа или забранува, многу од децата израснати во вакви бракови решија да ги изјаснат своите ставови.

Во 2013 година беше спроведено последното истражување на оваа тема, односно како истополовите бракови влијаат врз развојот на децата посвоени од истите.

Опфатени биле 500 различни деца ширум Австралија, кои дадоа изненадувачки позитивен заклучок: децата од овие семејства напредуваат добро, подобро се сложуваат со своите родители и имаат поздрави навики.

Еве некои од изјавите кои ја создадоа оваа слика:

Еј Џеј Коста, студент од Тексас кој живее со две мајки - „Неверојатно сум горд на своето семејство, затоа што ние сме една нормална верзија на современо семејство - христијани и поддржувачи на ЛГБТ групата. Тоа е исто како да имаш родители со различна боја на кожата. Важно е што се сакаме, бориме и снаоѓаме баш како и сите останати. И неверојатно ми е драго што е така!“

Алија Шејн, ќерка на две мајки кои веќе 31 година живеат заедно - „Родителите ми обезбедија безусловна љубов и поддршка, кои ми беа неопходни да прераснам во она што сум. Ме научија на храброст, како да стојам зад своите верувања и ме подготвија како да им помагам на оние кои немале многу среќа во животот.“

Даниела Силбер, дете на две мајки и двајца татковци - Во 1982 година две мајки лезбејки и двајца татковци бисексуалци одлучиле заедно да добијат дете. 9 месеци подоцна, се родила Даниела, а 5 години подоцна добила и помлад брат.

„Тој е мојата најблиска личност во животот и омилен партнер во активната борба за рамноправноста на истополовата љубов. Иако растењето во хомофобично и херетосексистичко општество не е лесно, моето семејство ме научи дека нашата различност може да биде наша сила!“

Шерон Шатук, ќерка на 2 мајки кои го промениле полот - „Марсиј и Триша се моите мајки кои се прав столб на нашето семејство. Себе се сметаме за здодевно нормални, и покрај тоа што за моето семејство веќе снимам документарен филм.“

Пол Пери, син на двајца татковци - „Растев во традиционално општество и неверојатно сум горд на моето семејство, затоа што од секогаш им пркосевме на најлошите аспекти на традицијата, а истовремено се придржувавме до некои постојани вредности кои ни значеа. Балансот ни помогна да успееме.“

Денес, истополовите бракови се законски легални во Холандија, Белгија, Шпанија, Канада, Калифорнија и уште многу земји низ светот. Но, посвојувањето и вештачкото оплодување сè уште е табу тема за која никој никогаш не сака да разговара.

Едни тврдат дека популацијата опаѓа со ширење на овие семејства, други пак се загрижени за физичкото и ментално здравје на децата израснати во истополови заедници.

Кое е вашето мислење? Оправдувате или строго осудувате?