Кралот само сакал да спие

Детали

среда, 01 јули 2009

Мајкл Џексон во последните денови од животот пател од тешка несоница, па ги молел докторите за седативи кои би му помогнале да заспие. Џексоновата...

 

... нутриционистка и медицинска сестра Шерил Ли која се обидувала да го навикне пеачот на правилна и здрава исхрана, признала дека Мајкл во последните денови од животот молел за инекција на Диприван за да се смири.

Диприван, медицински назив пропофол, е седатив кој се користи како анаестетик при лесни зафати како што се операција на усната празнина и заби.

"Мајкл ме повика во паника и ми рече дека морам веднаш да дојдам. Кога го прашав што се случило, тој ми кажа дека едната страна на телото му е потполно ладна и дека се плаши.

Му кажав дека мора веднаш да замине во болница и повеќе да не си игра со здравјето. Сфатив дека тој земал некои силни лекарства по што телото полека попуштало", изјавила Ли.

Мајкл наводно земал истовремено седативи, антибиотици, антидепресиви и аналгетики и тоа по потреба.

Кралот на поп музиката трпел огромни болки и пател од хронична несоница која го натерала да зема се повеќе и повеќе лекарства.

Блиските луѓе кои го познаваа Мајкл изјавиле дека тој никогаш не сакал дроги ниту злоупотребувал лекарства.