Вечер со Роџер Федерер и пријателите

Детали

четврток, 14 ноември 2013

Вечер со Роџер Федерер и пријателите. Така гласи настанот кој ќе се одржува на 8-ми јануари, 2014 година, на арената Род Лејвер во Мелбурн. Роџер Федерер и Жо-Вилфред Цонга ќе одиграат егзибициски/хуманитарен меч, како што изјави Роџер, своевиден спектакл, во кој, освен самиот меч, ќе има многу забава, музика и легенди на тенисот.

Причината за овој настан е 10 годишнината од првата титула на Федерер на Австралијан Опен, но исто така, 10 годишнината од основањето на фондацијата Роџер Федерер.

Настанот ќе има и хуманитарен карактер, ќе се собираат средства за хуманитарни цели како дел од активностите на фондацијата Роџер Федерер.

Фондацијата најмногу е посветена на образованието на децата во Јужноафриканската Република од каде потекнува мајката на Федерер и каде тој има поминато голем дел од своите детски денови.