Инспектор понижи беспомошно момче од улица (видео)

Детали

вторник, 30 јули 2013

Видеото кое беше објавено на друштвените мрежи предизвика  бурни реакции од страна на Мексиканците, бидејќи се прикажува како еден градски инспектор понижува сиромашно момче кое улично продава слатки и цигари.

Снимката е сведок како едно 10-годишно детенце неутешно плаче, додека инспекторот од плетената корпа му ги вади работите од кои тој заработува.

Најверојатно штетата на цигарите која му ја направи инспекторот е 10 пати поголема отколку дневната заработка на детенцето.

За среќа, се најде еден храбар човек и само што ја виде целата ситуација, откако инспекторот замина, му помогна да ги врати сите слатки назад во корпата, но сепак детенцето клекна, со раце ја покри главата и неутешно плачеше.

По објавата на ова видео, јавноста остро ја осудила постапката на градскиот инспектор. Иако во Мексико е забрането малолетници да продаваат или купуваат цигари, сите се сложуваат дека инспекторот ги преминал сите граници.

Неколку дена подоцна инспекторот бил приморан да го напушти работното место, а  гувернерот на државата Табаско потпишал стипендија за ова детенце кое според првичните информации живее со бабата и дедото, а сакал да дојде во градот за да заработи за училишен прибор.