Клои Кардашијан се прегрнува со заводникот од „365 Days“, откако го доби второто дете со Тристан Томпсон (фото+видео)

Детали

понеделник, 26 септември 2022

Клои Кардашијан и италијанскиот актер од 365 Days – Микеле Мороне – беа заедно на модната недела во Милано, а поради фотографиите и видеата, фановите се убедени дека се пар.

По многуте неверства, смирувања и раскинувања, Клои Кардашијан го заборави Тристан Томпсон, а изгледа си најде и ново момче.

Викендов, на Модната недела во Милано, 38-годишната ријалити ѕвезда беше забележана со италијанскиот актер Микеле Мороне.

31-годишниот Микеле ѝ е добро познат на јавноста по улогата во филмот 365 Days, а важи за еден од најзгодните италијански актери.

Најпрво актерот сподели фотографија на Инстаграм Стори на која ја прегрнува Клои.

Ријалити ѕвездата носеше црн комбинезон украсен со дијаманти, во комбинација со мала чанта украсена со дијаманти, како и темни очила за сонце.

Микеле носеше сатенска кошула, во комбинација со црни кожени панталони.

Набрзо потоа, на Твитер профил кој го води обожавател на Клои беше споделено и видео од парот.

Наводно, видеото било направено на забавата по главниот настан на Модната недела.

Во видеото, Клои и Микеле танцуваат заедно, разговараат, но и се прегрнуваат.

Khloé Kardashian e Michele Morrone durante o “After Party” na Itália - 24 de setembro. pic.twitter.com/m4axDQqiG5

— kylie archives (@kyliesarchives) September 25, 2022

Иако не е познато дали Клои и Микеле се пар, фановите се пресреќни за Клои која изминативе неколку години трпеше само понижување од поранешниот дечко Тристан Томпсон.

Дел од коментарите на фановите:

„Само што ќе помислам дека Клои можеби е во врска со прекрасниот Микеле Мороне сум пресреќна. Тој изгледа одлично, а Клои го заслужува секој дел од него“.

„Ова е парот што сакам да го видам!“

„Сега штом ја видов фотографијата, Клои и Микеле мора да бидат заедно!“

Според Daily Mail, иако Микеле бил поврзуван со неколку познати жени од Италија, моментално е сингл.

За потсетување, летово Клои го доби второто дете со Тристан Томпсон со помош на сурогат мајка.

Клои планирала да му даде уште една шанса на Тристан, но тој доби дете со друга жена, и тоа во периодот кога се зачнало детето со Клои.

Според извори блиски до Кардашијанс, Клои повеќе нема никаков контакт со Тристан, освен кога станува збор за нивните деца.

Всушност, таа дури и му забранила да присуствува на породувањето на нивното второ дете.

Прочитајте повеќе: Клои Кардашијан му се радува на новороденчето од сурогат мајка, а Тристан Томпсон си се шета со нова девојка (фото)

Засега, ни Клои ни Италијанецот Микеле се немаат огласено за фотографиите и видеата од Модната недела во Милано, но фановите се убедени дека се пар.

Повеќе фотки од Микеле на следната страница...