Дамиано Давид со повредена нога на Евровизија 2022 - болката му се гледа по гримасите, но храбро издржа (видео)
- Детали
- понеделник, 16 мај 2022
Вирално се шири видео од Дамиано Давид на Евровизија 2022, во кое на неговото лице се гледа болката што ја трпи заради повредата на ногата откако одбил да настапи со патерици, а даде и саркастичен коментар за минатогодишниот скандал со гласините за користење наркотици. Што се случи со фронтменот на скандалозниот италијански бенд што победи минатата година?
Минатогодишните победници на Евровизија, Maneskin, настапија на сцената во Торино, а видливо беше дека фронтменот на бендот Дамиано Давид е повреден.
Гримасите на лицето на Дамиано Давид предизвикаа голем број коментари кај корисниците на социјалните мрежи. Некои сочувствуваа со неговата болка, а други сметаа дека бендот воопшто не требало да настапи.
„Пуштете ги Maneskin да слезат од сцената, се гледа дека Дамиано трпи голема болка“
Let the Maneskin crew get off the stage! The guy is clearly in pain
— (الثريا al-Thurayya) (@soo_ray_ya) May 14, 2022
Придружуван од колегите од бендот додека настапуваше и без патерици, иако му било препорачано да настапи со нив, Дамиано успеа да изведе две песни.
Според информациите во италијанските медиуми, Дамиано во текот на изминатите денови се здобил со истегнат глужд за време на снимањето на спотот за нивната нова песна Supermodel, додека престојувале во Лондон.
Тој претходно на своите следбеници им најави дека е повреден и објавуваше фотографии со патерици, така што многумина нивни обожаватели се прашуваа дали Maneskin воопшто и ќе настапат на сцената.
Откако храбро го издржа настапот на Евровизија 2022, на својот Инстаграм профил објави нова фотографија во која е во аутфитот што го носеше за време на настапот, потпрен на патерица, а до неа напиша:
„Ништо не може да го спречи вистинскиот супермодел да зачекори на писта.“
Големата болка исто така не го задржа да не направи шега на сопствена сметка и да се осврне на минатогодишниот скандал во Ротердам кога беше обвинет дека консумирал опојни супстанци во бекстејџот.
На прашањето на водителот каков совет би им дал на годинешните натпреварувачи, Дамиано рече:
„Забавувајте се и не се доближувајте до масата.“
https://www.youtube.com/watch?v=uxA9Wxz53dc
Погледнете го настапот на Maneskin на Евровизија 2022:
Б. С. Б. | Црнобело
Би можело да ве интересира:
Препорачуваме
Најчитани неделава
