„Сакаме да ги решиме проблемите“ – Џеј Ло и Алекс ги демантираа гласините за раскинување, се борат да ја спасат врската

Детали

понеделник, 15 март 2021

Минатата недела познатите медиуми како TMZ и People споделија дека Џеј Ло и Алекс Родригез ѝ ставиле крај на свршувачката. Сега парот се огласи во врска со гласините, изјавувајќи дека иако работат на некои проблеми во врската, уште не се разделени, но некои извори тврдат дека нивната врска „виси на конец“.

Јавноста беше шокирана откако минатата недела се појавија гласини дека Џеј Ло и Алекс Родригез раскинале, после 4 години заедно. Досега тие двапати ја одложија нивната венчавка поради пандемијата, а подоцна пејачката изјави дека воопшто не ѝ се брза со таков чекор.

Сега парот се огласи во врска со гласините, со заедничка изјава за TMZ:

„Сите гласини се неточни. Работиме на некои проблеми“.

Наводно, парот не очекувал гласините да се рашират толку брзо, но точно е дека имале проблеми во врската и не би било големо изненадување ако се разделат.

„Алекс се обидува да ја убеди Џенифер да пробаат да ги решат проблемите. Џенифер си дава време да размисли за нивната иднина. Тие имаат неколку заеднички инвестиции и нивните деца се многу блиски.

Сето ова ја тера Џеј Ло да размисли дали сака веднаш да излезе од таа врска. Алекс, пак, е целосно свесен дека нивната врска виси на конец“, тврди извор близок до парот.

Според изворите, изминативе две недели тие најчесто биле разделени, го заладиле односот и имале многу недоразбирања и конфликти. Претходно светските медиуми пренесоа дека можеби најголема причина за потенцијалната разделба се гласините за неверството на Алекс, но сега некои извори тврдат дека тоа нема никаква врска со нивните проблеми.

Наводно, Џеј Ло и Алекс веќе зборувале да се разделат, но не го направиле тоа официјално:

„Немаат раскинато официјално, но имаат зборувано за тоа. Минуваат низ тежок период, но засега немаат раскинато. Таа работи во Доминиканскa Република, а тој е во Мајами и тешко им е да се видат, особено поради пандемијата. Сепак, сакаат да се обидат да ја спасат врската“.

Спирова С. | Црнобело