Арчи е црвенокос на тато - Прва божиќна честитка од Хари и Меган Маркл во семејниот дом во Америка
- Детали
- четврток, 24 декември 2020
Последно го помниме како бебе, а сега Арчи е потпораснато момче со црвена коса како тато – Меган и Хари објавија за првпат божиќна честитка откако се преселија во Америка, а семејната фотографија од нивниот нов дом ја направила мајката на Маркл.
Синот на принцот Хари и Меган Маркл има 1 ипол годинка, а откако се одвоија од кралското семејство, го немаме видено Арчи на официјалните портрети со останатите кралски членови.
Фотографија од крштевката на Арчи во јули 2019.
Ова е прва божиќна честитка на принцот Хари и Меган откако се преселија во Америка, а станува збор за илустриран семеен портрет.
На фотографијата може да се забележи дека Арчи, кој иако е уште мал, сепак личи на пораснато момче и изгледа ќе биде копија на тато, судејќи по црвената коса.
ПР-от на парот изјави: „Оригиналната фотографија од семејството беше направена во нивниот дом, овој месец, од страна на мајката на војвотката. Малата божиќна елка, како и домашно направените украси и декорации беа избрани од Арчи, а дрвото ќе биде повторно засадено по празниците.“
Во честитката Меган кажува дека во текот на 2020 тие направиле неколку донации како семејство – на организации кои им помагаат на бездомници, организации кои поддржуваат животни и други хуманитарни организации за едукација на деца во Уганда.
Минатиот Божиќ парот го помина во Канада, а моментално живеат во Монтесито.
минатогодишната божиќна честитка од Канада
Во ноември, Меган се отвори за спонтаниот абортус кој го доживеала летоска – нејзината емотивна исповед прочитајте ја ТУКА.
М. М. | Црнобело