Смртта на синот, битката со ракот - тажната љубовна приказна на Џон Траволта и Кели Престон
Две години по трагичниот настан Кели и Џон добија уште едно дете – синчето Бенџамин. Токму Бенџамин им помогнал на актерите и ќерка им Ела да се обидат повторно да ја пронајдат среќата:
„Раѓањето на малиот Бенџамин беше како убаво лепило што нè обедини после ужасната загуба. Тој му даде нова душа и нова цел на домот“, изјави актерот.
Кели и Џон продолжија да важат за еден од најдобрите парови ви во Холивуд и секогаш се собираа за сите важни настани.
Во септември 2019-та, 28 години по нивната венчавка, Џон и Кели изгледаа навистина среќно. По повод годишнината, и двајцата споделија фотографии на Instagram со слатки пораки на кои ја изјавуваат нивната љубов.
Но, парот не ја дочека 29-тата годишнина. На 12-ти јули 2020-та Кели му подлегна на ракот на дојката. Џон Траволта ги соопшти вестите за смртта на сопругата со срцепарателна објава на Instagram:
„Со тешко срце ве известувам дека мојата убава сопруга Кели ја изгуби 2-годишната битка со ракот на дојката. Се бореше храбро, со љубовта и поддршка на многумина. Моето семејство и јас ќе им бидеме засекогаш благодарни на лекарите и медицинските сестри кои ни помогнаа, како и на многу пријатели и сакани кои останаа покрај неа. Љубовта и животот на Кели засекогаш ќе бидат запомнети“.
Еден месец по смртта на Кели, Џон објави и слатко видео на кое танцува со ќерката Ела.
„Ќерка ми и јас танцуваме во сеќавање на мама“, напишал актерот во описот, додавајќи дека песната на која играат е една од омилените на Кели.
Спирова С. | Црнобело
Би можело да ве интересира:
Препорачуваме
Најчитани неделава
