5 милион долари за неверство - Славни парови со најлуди предбрачни договори

Детали

петок, 14 февруари 2020

На толку многу големи имоти и богатства, не е ни чудно што во предбрачните договори на славните станува збор за вртоглави суми од неколку милиони долари.

Изгледа дека ниту славните парови немаат совршени бракови како што ги претставуваат пред јавноста и камерите, а токму нивните предбрачни договори се доказ за нивната меѓусебна недоверба.

Животот понекогаш знае да биде многу непредвидлив и за миг да ни донесе пресврт на настани.

Па затоа, и покрај сета меѓусебна љубов, повеќето од славните се одлучиле на предбрачни договори, сѐ со цел да си ја осигураат нивната иднина. Но, за многу од нив можеме да кажеме и дека „претерале“.

Дали можете да претпоставите кои славни парови имаат потпишано предбрачни договори за огромна сума пари?

Џесика Бил и Џастин Тимберлејк

Во нивниот предбрачен договор, тие имаат потпишано дека Џастин треба да ѝ плати 500.000 долари на Џесика во случај на неверство.

Џеј Зи и Бијонсе

Доколку некогаш решат да се разведат, Џеј Зи ќе треба да ѝ плати на Бијонсе 5 милиони долари за секое дете посебно, плус 1 милион за секоја година за време на бракот.

Ким Кардашијан и Канје Вест

Необичноста на овој предбрачен договор е во тоа што тие не се обврзани со никакви пари, туку едноставно, во него пишува дека мајката на Ким, Крис Џенер, нема да може да донесува одлуки во нивно име во полето на бизнисот и кариерата.

Мајкл Даглас и Кетрин Зита Џонс

Ако некогаш решат да се разведат, Кетрин ќе добие 2.8 милиони долари за секоја година од бракот, а доколку причината за разводот е неверство, тогаш таа ќе добие плус 5 милиони како бонус.

Сметајќи дека овој пар е веќе 20 години во брак, идејата за развод овде и не е баш најдобра.

Џенифер Анистон и Џастин Теру

Иако се разведоа во 2018, многу извори тврдат дека имале потпишано предбрачен договор, токму поради драстичната разлика во нивното богатство.

Т. Ѓ. | Црнобело