Фановите разочарани од концертот на U2 - Редици долги 1 километар, за влез се чекало од 8 наутро

Детали

понеделник, 25 ноември 2019

Во петокот навечер, познатиот музички бенд имаше концерт во Сиднеј.

Но, голем број фанови останале разочарани откако со часови чекале во редица долга цел километар. За ситуацијата да биде уште полоша, во текот на целат вечер врнел и дожд.

Фановите почнале да застануваат во редица уште во 8 наутро, а предгрупите на U2 почнале да свират во 18:30. Но, час и пол подоцна, фановите почнале да се жалат дека редицата за влегување сè уште е долга најмалку еден километар.

На Twitter се појавија многу фотографии и снимки кои го покажуваат огромниот метеж.

Дел од фановите го пропуштиле почетокот на шоуто, иако некои платиле и по 530 долари за влезница. Откако, пак, успеале да влезат, ги дочекало уште едно разочарување.

Многумина биле разочарани бидејќи бил исклучен големиот екран во салата, а како за влез, долго се чекало и за храна и пијачки. Еден фан изјави дека чекал дури 30 минути за едно пакетче чипс.

„Ова е ужас. Имаше огромен ред да влез, нема доволно штандови за храна и пијачки, па и овде има редици. Никој не може да ги најде тоалетите“, изјави тој.

Од организацијата изјавиле дека ќе го вклучат големиот екран после четвртата песна, но фановите споделија дека четвртата песна долго била завршена, а екранот сè уште бил исклучен.

Покрај сето ова, бината била поставена прениско, па голем дел од фановите не можеле воопшто да видат што се случува на неа.

Спирова С. | Црнобело