Меркел била научник, Мишел – адвокат: Со што се занимавале влијателните жени во младоста?

Детали

понеделник, 29 јули 2019

Дали влијателните жени на 21-иот век во младоста се занимавале со истото што и денес и колку работеле на нивните кариери во периодот од 20-ите до 30-ите години, кој според многумина, го дефинира животот.

Според многу успешни луѓе, она што ќе го правите во периодот од 20-ите до 30-ите години, го дефинира целиот ваш живот, па затоа не ги поминувајте овие години во губење време.

Во овој период од 10 години се носат некои од најважните животни одлуки, се градат врски, се создаваат контакти, се бира кариера и се заработуваат пари.

Но, дали успешните жени на 21-виот век се занимавале во тој период со истото што и денес и колку се посветиле на нивните кариери?

Погледнете што правеле влијателните жени на денешницата во младоста:

Ангела Меркел

Младата Меркел студирла физика во Лајпциг, а на 20 години го запознала нејзиниот сегашен сопруг.

По дипломирањето, тие се преселиле во Берлин и се вработиле. Ангела добила позиција во Централниот институт за физичка хемија, а во периодот од 20-30 години таа целосно се посветила на науката.

За политиката почнала да размислува во 1989-та, по падот на Берлинскиот ѕид, кога имала 35 години.

Хилари Клинтон

Иако сонот од детството на Хилари ѝ бил космосот и често испраќала писма до НАСА за да прашува како да стане астронаут, таа на 18 години почнала да учи право и политички науки.

На факултет, таа го запознала Бил Клинтон, кој ѝ стана сопруг во 1975-та. Хилари докторирала и имала политички амбиции. Но, во младоста таа решила да го поддржи нејзиниот сопруг и не продолжила со сопствена кариера.

Мишел Обама

Младата Мишел имала диплома по право од универзитетите Принстон и Харвард. По завршувањето на студиите, таа се вратила во Чикаго и почнала да работи како адвокат во локална адвокатска канцеларија.

Еден од колегите, ѝ стана сопруг – таа се венчала со Барак кога имала 32 години, а потоа исто како Хилари, одлучила да го поддржи во неговата политичка кариера.

Опра Винфри

Во 20-ите години, Опра преживеала толку многу работи, што би можело да се сними филм за нејзиниот живот – бременост на 14 години, победа на натпревар за убавина, студирање, работа како новинар.

Па, не е ни чудо што до 22 години таа имала толку многу животно искуство и самодоверба, заради што лесно ја добила работата за водење на утринско шоу.

Публиката веднаш ја засака, а во 1986-та, го лансираше своето шоу, кое ја направи ѕвезда.

Бијонсе

Таа е на сцената уште од детството – на 8-годишна возраст пеела во детска група, која набрзо се претвори во легендарната Destiny’s Child.

На 22 години таа го објави нејзиниот деби албум, па многу брзо стекна популарност во Америка и целиот свет.

Бијонсе цел живот била посветена на нејзината кариера и не дозволила ниту распаѓањето на групата, ниту сопругот, ниту децата да влијаат на она што таа го гради цел живот.

Ана Винтур

Ана била заинтересирана за мода уште од младоста, таа на 14 години ја направила нејзината препознатлива боб фризура која не ја менува до ден-денес.

По завршување со школувањето, девојката почнала да работи во магазинот на нејзиното момче, а на 21 година била вработена како асистент на модниот департман.

Уште тогаш, таа сонувала да биде уредник на Vogue, па самоуверено чекорела кон целта.

На 26 години, се преселила во Њујорк и почнала да работи во Harper's Bazaar, па била префрлена во Viva, и на крај, ја достигнала целта и се вработила во Vogue, каде денес е главен уредник.

M. M. | Црнобело