Кои фотографии од кралското семејство ги има изложено кралицата Елизабета во својот дом?

Детали

петок, 26 јули 2019

Зарем постои баба која нема изложено неколку фотографии од своето семејство во домот? Истото важи и за кралицата Елизабета.

Неодамна кралицата Елизабета се сретна со Борис Џонсон во нејзиниот дом по повод неговата нова работна позиција - тој е новиот премиер на Велика Британија.

На фотографиите од средбата фановите веднаш забележаа дека кралицата има изложено неколку фотографии во нејзиниот дом.

Елизабета има врамено фотографии од нејзините внуци, Вилијам и Хари, како и нивните сопруги, Кејт и Меган. Иако фотографиите се малку скриени, јасно се гледа дека се направени за време на кралските свршувачки.

Најнапред се наоѓа фотографија од Хари и Меган која најверојатно е направена во декември 2017-та година, од страна на фотографот Алекси Лубомирски. Истата фотографија беше претходно изложена во Кенгзитонската палата кога Хари имаше средба со непалскиот премиер.

Зад портретот на Меган и Хари е врамена поголема фотографија од Вилијам и Кејт. Парот е фотографиран во ноември 2010-та година, за време на објавувањето на нивната свршувачка.

На истото место може да се забележи и фотографија од Хари и Вилијам во нивните воени униформи.

Спирова С. | Црнобело