Каде ќе го прослават Кејт и Вилијам 6-иот роденден на принцот Џорџ?

Детали

петок, 19 јули 2019

Принцот Џорџ ќе го дочека неговиот роденден со „тропско бегство“. Идниот крал го прославува неговиот роденден на семеен одмор на Карибите. 

Кралското семејство, вклучувајќи ги Кејт, Вилијам, 4-годишната Шарлот и 1-годишниот Луис ќе го прослават роденденот на Џорџ, кој полни 6 години во понеделник, на приватниот остров Мистик.

Кралското семејство има посебна поврзаност со островот. Сестрата на кралицата, принцезата Маргарет, го користела како „засолниште“ после брачните проблеми со Ентони Армстронг-Џоунс во 70-тите. Овде таа изградила викендица која ја крстила Les Jolies Eaux (убавите води).

Оттогаш, неколку членови на кралското семејство го искористиле островот за релаксација. Вилијам и Кејт со години одат на Мистик, а го имаат однесено дури и семејството на Кејт.

Досега летото на Џорџ беше исполнето со забава. На почетокот на месецов тој им се придружи на неговите роднини и неговиот 2-месечен братучед Арчи. Исто така ѝ се придружи на сестра му Шарлот на локален фестивал во Беркшир со неговите баба и дедо, Керол и Мајкл Мидлтон.

Во есен, Џорџ ќе се врати на училиште во „Томас Батерси“, а за прв пат ќе му се придружи и сестра му Шарлот. Претходно, Кејт откри дека Џорџ на училиште учел за вселената и дека работел на танцувањето балет.

Спирова С. | Црнобело