Пи Диди барал лажен снег 45 минути пред забава: Организатор на настани открива како е да се работи за славните

Детали

вторник, 18 декември 2018

Организатор на настани во светот на славните ги открива тајните за работата со некои од ѕвездите како Бијонсе или Мадона.

Бронсон ван Вик, работи со организирање на настани и забави во кругот на славните, богатите и престижните личности, меѓу кои и претседатели и први дами на САД.

Иако вели дека му било задоволство да работи за претходните три претседатели и нивните сопруги во Белата куќа, признава дека не би прифатил да работи и за Доналд Трамп.

За Бил Клинтон открива дека секогаш бил многу љубопитен за тоа што ќе излезе од кујната, а Лора Буш имала моќ да направи некој да се чувствува како да е единствената личност во собата, додека пак, Мишел Обама ја опишува како енергична и желна за забава.

Тој открива како е да се работи и со славните личности, како на пример со Пи Диди, кој побарал вештачки снег 45 минути пред да почне неговата роденденска забава.

„Имаше 45 минути додека да почне забавата, но најдовме дечко кој имаше клуч од собата со опрема во операта и ја земавме машината за снег. Пафи дојде на забавата на полноќ и чекавме да стигне до средината на просторијата, па го притиснавме копчето и снегот почна да паѓа. Изгледот на неговото лице беше како среќно дете на новогодишно утро.“

За Бијонсе пак, вели дека е фантастична и екстремно професионална, што го увидел на организирањето настани за промовирање на нејзините парфеми.

Гвинет Палтроу пак, ја опишува како целосно елегантна, а тој стои и зад забавата на Мадона за 47-миот роденден, кога побарала „џипси тема“.

Бронсон досега има организирано многу забави и знае дека богатите се пребирливи и лесно им здосадува сè, па со тек на време се усовршил и сега неговите настани, независно дали се модни, политички или приватни прослави, се ремек-дела, организирани со многу гламур, вкус и креативност.

Тој годинава го прославил неговиот 43-ти роденден на Миконос, со екстравагантна забава со тема – Хомерски бал, каде присуствувале и многу славни личности.

Како изгледа родендеската забава кога си искусен организатор на настани?

• 
• 
• 
• 
• 
• 
• 
• 
• 
• 
• 
• 
• 
• 
•  

М. М. | Црнобело