Има посебно мени за кучињата и 20 готвачи: Тајни за британската кралска кујна

Детали

среда, 17 јануари 2018

Секојдневниот живот на членовите на британското кралско семејство, посебно на кралицата Елизабета е покриен со завеса полна со тајни.

Но, за среќа на оние кои се заинтересирани за нивниот живот, постојат луѓе кои одвреме навреме ни ја отвораат завесата.

Овојпат, куварите кои некогаш работеле таму, откриваат тајни за Бакингемската палата, кралицата Елизабета и останатите членови.

Кралицата Елизабета тешко може да се нарече гурман

Таа преферира едноставна храна, без многу зачини и додатоци.

Нејзиното вообичаено мени изгледа вака – за појадок јаде снегулки, овошје и јајца, ручекот се состои од риба и зеленчук или пилешко со салата, а за вечера сака месо со сос од печурки.

Во Бакингемската палата има 20 готвачи

Сите готвачи се ангажирани за време на големите банкети, кои се одржуваат 2-3 пати годишно.

За време на овие настани е ангажиран и специјалист од Министерство за Надворешни Работи, кој има задача да се осигура дека има јадења кои одговараат за сите гости и религии.

Во обични денови, во кралската кујна работат 8-10 готвачи истовремено.

Кралицата обожава благо

Кралицата е љубител на чоколадо, посебно темно, со какао повеќе од 60%. Еден од омилените брендови ѝ е Bendicks Bittermints, а омилен десерт ѝ е чоколадна торта со цимет, чоколаден крем и пуслици.

Принцезата Дијана почитувала здрава исхрана

Таа јадела многу зеленчук, пилешко и ретко консумирала црвено месо. Посебно за неа, готвачите готвеле обезмастени оброци од познатите јадења.

Кејт Мидлтон исто така се лимитира во исхраната

Основата на исхраната на војвотката од Кембриџ се состои од зеленчук, овошје, цели зрна и полно месо. Таа одвреме навреме се потпира на некои диети, но знае и да си дозволи по некое задоволство.

Омилено јадење ѝ е пилешко со кари, што со задоволство го готви и сама.

Кралицата не јаде лук

Таа смета дека да се „вдишува“ лукот од луѓето со кои се сретнува е многу непристојно, па овој производ е забранет во кралската кујна.

Кралицата е умерена со алкохолот

На банкети, знае да се напие малку џин или слатко вино, а на семејните ручеци, само чаша слатко германско вино. Во останатото време, нема алкохол на кралското мени.

Кралицата нарачува од мени

Од него, таа пречкртува што не ѝ се допаѓа и остава забелешки, а имињата на јадењата се напишани на француски. За нејзините кучиња има посебно мени за секој ден кое е закачено на ѕидот во кујната.

Предуслов е храната, посебно месото, да се служи во мали парчиња, за кучињата да не се задават.

М. М. | Црнобело