Го нарекуваат „кралот на Сиднеј“, 30 години чекаше да го замени татко му - Како Лаклан Мурдок стигна до челната позиција на FOX?

Благодарение на тоа што 10 години не беше присутен во семејниот бизнис, Лаклан остана имун на последиците кои настанаа откако во 2011-та година се дозна дека голем број новинари кои што работеле за нивните медиумски куќи нелегално влегле во телефоните на познати личности и членови на кралското семејство за да добијат ексклузивни информации.

Овој скандал ја уништи кариерата на неговиот брат Џејмс, а го турна Лаклан чекор поблиску до претседателското столче.

Во 2014-та година Лаклан се врати во компанијата и успешно ја менаџираше, па успеа да се избори со уште неколку скандали кои ги тресеа, како што беа обвинувањата за сексуално вознемирување упатени до претседателот на Fox News, Роџер Ајлс.

На приватен план, Лаклан од 1999-та година е во брак со британско-австралискиот модел Сара О'Харе, со која има два сина Калан Александер (19) и Ејден Патрик (17), како и ќерката Ерин Елизабет (13).

Сара О'Харе или Сара Мурдок (51) беше на врвот на својата кариера кога го запозна Лаклан, а потоа го сними својот прв филм со Фреди Принц Џуниор, Head Over Heels, но набрзо потоа се откажа и продолжи да живее како мајка и домаќинка која е посветена на семејството.

Наводно Сара одлучила да се повлече од холивудската кариера откако филмот добил ужасни критики, па дури ниту медиумите на нејзиниот сопруг не штеделе на негативните коментари.

Лаклан има повеќе имоти во САД, јахти и импресивна колекција од автомобили, а се верува дека најпријатно се чувствува да живее во Сиднеј, каде важи за вистински крал.

Б. С. Б. | Црнобело