Скопје на гастрономска мапа на Европа: Мато Наполетано од Скопје, помеѓу најдобрите 50 пицерии во Европа

Детали

петок, 13 мај 2022

Вчеравечер на свечен настан во Театарот Сан Бабила во Милано беа доделени годишните награди за 50 најдобри пицерии во Европа. За прв пат во историјата, еден македонски угостителски објект се најде помеѓу добитниците, Траторијата Мато Наполетано од Скопје.

Траторијата Мато Наполетано од Скопје која гурманите во регионот веќе ја знаат,  препознаена и од строгите меѓународни инспектори на топ 50.  Инспиекторите им доделија признание, со што траторијата од Македонија успеа  да влезе меѓу европската гастрономска елита.

Признанието го примија идејните творци зад брендот Мато Наполетано, Зоран Васиљевиќ и Дане Кузмановски.

„Вистинско мерило за нашиот успех е задоволството на нашите гости. И препознавање на високите стандарди од експертите во оваа индустрија, ни годи. Конечно и Скопје е поставено на европската гастрономска мапа, поради што сме горди. Тоа е наш придонес за градот во кој живееме” искоментираа кратко во изјава по доделувањето.