Искуствата на студентите на Европскиот кампус на Универзитетот Јорк СИТИ Колеџ

Детали

среда, 20 април 2022

Европскиот кампус на Универзитетот Јорк СИТИ Колеџ е образовна институција која нуди уникатни можности за студентите врз основа на своето богато академско портфолио.

Европскиот кампус на Универзитетот Јорк преку СИТИ Колеџ е лоциран Солун, Грција, но неговата академска мрежа е воспоставена и распространета во уште 8 земји низ целиот регион. Врз основа на знаењата и академските достигнувања на реномираните предавачи, Европскиот кампус на Универзитетот Јорк СИТИ Колеџ со својата понуда ги отвора вратите за најатрактивните и најкомпетитивни студиски дисциплини за новите студенти од регионот. Исто така Европскиот кампус на Универзитетот Јорк СИТИ Колеџ, заедно со Факултетот за економија и менаџмент на Универзитетот во Стразбур, ја нуди Паневропска извршна МБА програма, со двојна диплома за регионот на Југоисточна и Источна Европа, како и во регионот на Кавказ.

Во потрага по најквалитетното универзитетско образование разговаравме со двајца студенти на Европскиот кампус на Универзитетот Јорк СИТИ Колеџ за нивните искуства од академската програма, студентскиот живот и можностите за развој на професионална кариера што им се нудат секојдневно.

Георгина Ѓорческа, е студент во прва година на одделот Бизнис администрација и економија и за првите искуства од студирањето на овој универзитет вели дека и се исполнети дури и наголемите очекувања:

„Среќна сум што сум дел од еден високо рангиран универзитет и што сите мои очекувања се исполнија во целост. Дел сум од еден добро осмислен концепт на современо изучување на економијата, со програма по светски стандарди пренесена од искусни професори на едноставен и разбирлив начин. Предавањата се интерактивни со добра комуникација, професор-студент, а исто така се работи и во групи на проекти што нè збогатува со искуство кое би го користеле во иднина. Професорите како и целата екипа на универзитетот се максимално посветени на секој студент поединечно“.

Според неа интерактивниот пристап на факултетот и начините за ангажирање на студентите уште од сам почеток е поттикнување и мотивирање на студентите за себе-реализација:

„Избрана сум за претседател на CITY Student Union за академската 2022/23 година. Откако бев избрана од самите студенти како претседател сум главен претставник на студентското тело, а основната цел на оваа унија е да го претставува гласот на студентите пред универзитетот, да организира општествени настани како и да придонесува за студентите да стекнат прекрасно и незаборавно искуство“.

Според Стефан Васков, исто така, студент од прва година на Бизнис администрација и економија, покрај бројните предности, стекнувањето со меѓународно признаена диплома е највредната инвестиција според него.

„Досегашното искуството во Европскиот кампус на Универзитетот Јорк СИТИ Колеџ од различни аспекти за мене е извонредно значајно и многу позитивно. Пред сè, наставата базирана на стекнување практични знаења е од непроценливо значење. Тука е и односот на професорите - нивната достапност да ни помогнат во секој момент и подготвеноста  да нè научат. И секако, една од најголемите предности е стекнување со меѓународно признаена диплома, обезбедена од еден од најпрестижните Британски универзитети. Одлуката да се запишам на Европскиот кампус на Универзитетот Јорк СИТИ Колеџ сметам дека беше правиот избор за мене и топло го препорачувам“, вели Васков.

Како дел од заедницата на Универзитетот Јорк, Европскиот кампус на Универзитетот Јорк СИТИ Колеџ претставува уникатна меѓународна институција која ги поврзува академските, истражувачките, националните и корпоративните мрежи низ целиот регион. Универзитетот Јорк е водечка британска академска институција, член на престижната Russel група и светски признат универзитет по својата истражувачка работа.

СИТИ Колеџот, Европскиот кампус на Универзитетот Јорк започна со апликации за своите додипломски и постдипломски програми, а студиите започнуваат во октомври 2022 година. Повеќе информации се достапни на следниот линк.