Божиновски часовници и накит повторно избран за најдобар трговски објект

Детали

понеделник, 20 декември 2021

Во година полна со предизвици, која ја одбележа отворањето на реновираниот бутик на улица „Македонија“ и година во која компанијата започна нова страница преку проектот „Своч на Кирилица“, со што се фоксуираше на целокупната креативна заедница во Македонија, а не само кон своите потрошувачи, „Божиновски часовници и накит“ повторно го доби признанието од Град Скопје и SWOT Research – Најдобар трговски објект во категоријата модни додатоци и накит.

„Оваа награда ја добиваме четврти пат и како компанија која е насочена кон создавање на неповторливо искуство на потрошувачите во нашите продажни салони, а не само кон класична продажба ни претставува особена гордост.

Она во што од создавањето на Божиновски постојано инвестираме е креирање на чувство и емоции кои непрекинато ги споделуваме со нашите клиенти и  среќни сме што нашите обиди на пазарот да понудиме нешто различно и ново е забележано од страна на потрошувачите“, велат од компанијата.

Круна на приказната на Божиновски претставува неодамна започнатиот заеднички проект со Swatch – „Своч на кирилица“ преку кој македонските уметници ќе добијат можност да дизајнираат часовници од овој бренд и на тој начин заеднички да дадеме придонес за поддршка и промоција на креативците од нашата земја.

„Првиот часовник е веќе создаден и верувајте повредно од секоја продажба се лавината на позитивни реакции и коментари кои ги добивме од  јавноста за овој наш проект, тоа е чувството за кое зборуваме, тоа е нашиот стремеж како компанија – да создаваме заедники вредности со целокупната заедница и на тој начин секојдневно да сме во обид да ја победуваме просечноста“, потенцираат од „Божиновски часовници и накит“