„Готвиме со Младите“ - Гастро перформанс на Креативен Ден 2024

Детали

недела, 09 јуни 2024

Во рамки на Креативен Ден 2024 се одржа уште еден настан, станува збор за гастро перформанс, под името “Готвиме со Младите“, се одржа истиот ден, на 1ви Јуни, а домаќини беа новата кетеринг кујна  “POP FOOD DeNiro“

Во најмлечниот град со поддршка од најмлечните фабрики Вемилк и Бимилк, го одбележавме Денот на Млекото.

Преку овој перформанс, на пошироката млада популација, потенцијални средношколци на оваа струка, како и учениците кои веќе се определиле за истата, целта беше да им ја доближеме гастрономијата, да ги внесеме во светот на вкусовите, со сите  убавини, креативност, вештини, тимска работа и можности кои ги нуди самата струка.

Долго се подготвуваа шеф Дејан Христовски од средно угостителско училиште “Лазар Талев“, Скопје и шеф Марјан Милош од домаќинската кујна на “POP FOOD DeNiro“ за овој перформанс и за време на тричасовната дружба подготвуваа намирници, особено споделија информации за термичка обработка на месо на иновативен начин, децата се уверија дека малите бургери беа многу сочни и вкусни, дегустираа заедно со публиката, со присутните гости.

Двајцата шефови им покажаа на децата дека и едноставните намирници може да изгледаат есклузивно. По добрата храна и убавата дружба, младите асистенти беа повеќе од сигурни дека оваа професија е одговорна, комплексна , но многу забавна.

Угостителската струка е профитабилна, им овозможува на младите лесно и брзо вработување, како и личен развој и стекнување стручност во субспецијални гранки од гастрономијата.

Благодарност до локалните бизниси, домашни производни брендови, кои ја разбираат важноста од поддршка на младите и нивно правилно насочување: Фарма Бели Мост, Фино, Фреско, Тартуфи, Сентива, Мирана  и Бимилк.