Отворени новите простории на Ансамбл Македонија со донација од Динерс Клуб Македонија

Детали

четврток, 06 јуни 2024

Вчера се отворија вратите од новите реновирани простории на Ансамбл Македонија кој делува во рамките на Универзитетот „Гоце Делчев“ од Штип. Новиот реновиран простор е наменет  за студентите, за нивни предавања, работилници и изложби.

Просторот претставува ризница на богато културно и уметничко наследство, тука репрезентативните примероци ги красат ѕидовите во внатрешниот простор на Ансамблот Македонија. Посетителите ќе имаат можност преку фотографиите да ја согледаат убавината на народните носии, кои се најкарактеристичниот белег на македонската култура и творештво.

Тие претставуваат врв на културното македонско текстилно творештво, со многу сочувани траги од минатото: старобалкански, старословенски, византиски, турски и ориентални орнаменти.

Просторот e реновиран со донација од Динерс Клуб Македонија, како долгогодишен поддржувач на Ансамбл Македонија. Динерс Клуб Македонија во рамките на својата платформа за корпоративна општествена одговорност „Кога повеќе значи повеќе“, несебично ја дава својата заложба во проекти кои имаат за цел да го промовираат македонското културно и уметничко творештво.