Xiaomi ја претстави целосно новата линија на Redmi Note 13

Детали

среда, 24 јануари 2024

Xiaomi ја претстави серијата Redmi Note 13. Оваа возбудлива нова серија содржи пет уреди кои дополнително го унапредуваат популарниот спектар на Redmi Note: Redmi Note 13 Pro+ 5G, Redmi Note 13 Pro 5G, Redmi Note 13 Pro, Redmi Note 13 5G и Redmi Note 13.

Со значителни надградби на камерата, дизајнот, дисплејот и процесорот, серијата Redmi Note 13 продолжува да го затвора јазот помеѓу паметните телефони од средна класа и водечките категории, обезбедувајќи беспрекорна издржливост, фантастично искуство и импресивна способност за сликање - сето тоа по разумни цени.

Направете ја секоја слика легендарна со серијата на Redmi Note 13 со надградена камера

Дизајниран да ги задоволи различните потреби за фотографирање, серијата Redmi Note 13 може да се пофали со надградена камера со разновидни способности. Сите професионалните модели, Redmi Note 13 Pro+ 5G, Redmi Note 13 Pro 5G и Redmi Note 13 Pro, имаат камера со ултра висока резолуција од 200 MP со оптичка стабилизација на сликата (OIS) за снимање на фотографии со невидено ниво на детали што резултира со извонредно фотографско искуство за корисниците.

Освен тоа, зумирањето без губење на квалитет 2x/4x нуди детални слики одблиску од далечина и дава можност за фокусирање на поединци во толпа или зумирање на конкретно дејство.

Овие напредни камери со помош на големиот сензор од 1/1,4" и подобрената обработка на слика, обезбедуваат неверојатен квалитет на сликата дури и во сложени услови и услови со слаба осветленост. Комбинацијата на овој сензор, екстра големиот f/1.65 отвор, и Тетра² пиксел (напредната технологија за бинарни пиксели) обезбедува јасни и светли слики дури и при лоши услови на осветлување, додека објективот 7P со атомско таложење на слој (ALD) го намалува одблесокот и појавата на сенки.

Во меѓувреме, основните модели, Redmi Note 13 5G и Redmi Note 13, се опремени со главна камера од 108MP со 3x зум без губење на квалитет кои даваат неверојатни слики со поситни детали. И двата паметни телефони се опремени со широк избор на филтри за филмска камера за корисниците кои им овозможуваат да ги приспособат своите фотографии.

Со поставување на тројна камера која се состои од главна камера од 200 MP или 108 MP, ултра широка камера од 8 MP и макро камера од 2 MP и камера за селфи од 16 MP, сите овие уреди се поддржани од Xiaomi Imaging Engine. Генерално, секој уред обезбедува компјутерска фотографија од следната генерација и моќна обработка на слики, што го прави Redmi Note 13 серијата одлична опција за сликање на легендарни слики во секоја прилика.

Одлична јасност, AMOLED дисплеј и стапка на освежување до 120 Hz

Redmi Note 13 серијата се одликува со трендовски, елегантен дизајн со ултра тенки рамки за врвен изглед и чувство, како и висококвалитетен екран за подобрено корисничко искуство и извонредно гледање.

Redmi Note 13 Pro+ 5G и Redmi Note 13 Pro 5G нудат кристално чисто гледање со 1,5K AMOLЕD екран и максимална осветленост од 1800 нита. Во меѓувреме, Redmi Note 13 Pro, Redmi Note 13 5G и Redmi Note 13 имаат екстра јасен FHD+ AMOLED дисплеј.

Секој Redmi Note 13 има обезбедено беспрекорно лесно скролање без задоцнување, благодарение на зачестеноста на освежување AdaptiveSync од 120Hz, што ги прави сите искуства на гледање поедноставни, појасни и попријатни.

За дополнителна сигурност при продолжено гледање, уредите од серијата Redmi Note 13 имаат сертификати TÜV Rheinland Low Blue Light, Flicker Free и Circadian Friendly, и вклучуваат различни функции за заштита на очите, како што е режимот за читање. Другите надградби го вклучуваат првото додавање во серијата на вграден сензор за отпечатоци на екранот¹.

Исклучителна издржливост која ќе ве успокои

Со надградбите во инженерството и дизајнот, серијата Redmi Note 13 нуди издржливост и цврстина за дополнителна сигурност во отежнати услови. Ова започнува од екранот, кој го воведува Corning^®Gorilla® Glass Victus® на Redmi Note 13 Pro+ 5G и Redmi Note 13 Pro 5G — уште еден првенец во серијата — за дополнителна отпорност на случајни падови и гребаници. Екранот исто така е дополнително оптимизиран во рамките на целата серијата за да овозможи да реагира и да биде прецизен на допир, дури и на дожд.

Со надградена структура комбинирана со IP68 сертификат за отпорност на прашина и вода², Redmi Note 13 Pro+ 5G ја обезбедува својата позиција како врвен модел од серијата, додека другите модели исто така се подигнати на повисоко ниво и нудат IP54 отпорност на прашина и прскање³.

Моќни легендарни моменти со напредни процесори за надградени перформанси

Серијата Redmi Note 13 со високи перформанси ги има некои од најмоќните процесори достапни во светот, заедно со долготрајните батерии, што им овозможува на корисниците да уживаат во нивните уреди цел ден. Сите модели доаѓаат со полнач во кутијата⁴ за дополнителна удобност.

За врвни перформанси, за првпат е воведен процес од 4 nm кај паметните телефони Redmi Note. Водечкиот модел во серијата, Redmi Note 13 Pro+ 5G, е опремен со MediaTek Dimensity 7200-Ultra чипсет, огромна батерија од 5.000 mAh5 што се напојува секој зафатен ден и нуди напојување од 120W HyperCharge кое е водечко во индустријата, со што вашиот Redmi Note се полни до 100% за само 19 минути⁶.

Во меѓувреме, Redmi Note 13 Pro 5G е опремен со батерија со најголем капацитет во серијата од 5.100 mAh5 и се напојува од мобилната платформа Snapdragon® 7s Gen 2, додека Redmi Note 13 Pro е опремен со MediaTek Helio G99-Ultra чипсет и батерија од 5.000 mAh5. И двете нудат турбо полнење од 67 W, за што се потребни 45 минути за полнење до 100%⁶.

Основните модели се опремени и со перформанси кои импресионираат со долготрајната батерија од 5.000 mAh5 и моќните чипсетови.

Со надградби и подобрувања насекаде, серијата Redmi Note 13 обезбедува поголем квалитет на саканата линија Redmi Note за да им овозможи на корисниците на паметни телефони ширум светот да уживаат во водечките функции по пристапни цени.

На истиот настан за промоција, Xiaomi, претстави и три возбудливи нови додатоци на своите понуди за носење: Redmi Watch 4, Redmi Buds 5 Pro и Redmi Buds 5.

Redmi Watch 4 со разновидни перформанси што значи дека има многу повеќе да се види, а и многу повеќе да се засака

Новиот Redmi Watch 4 е опремен со квадратен ултра голем AMOLED дисплеј од 1,97 инчи за искуство со паметниот часовник кое носи поголемо задоволство. Дел од ова најново издание е и најголемиот паметен часовник Redmi со квадратен облик, кој нуди посеопфатно доживување при гледањето со само еден поглед. Извонредниот дизајн на Redmi Watch 4 вклучува средна рамка од алуминиумска легура и е првиот паметен часовник Redmi со OTS ротирачка круна од нерѓосувачки челик која е лесна за ракување. За уште поголема удобност, Redmi Watch 4 располага и со целосно новиот механизам за брзо менување на ремчињата.

Redmi Watch 4 е опремен со надграден 4-канален PPG сензор за подобрена точност во однос на отчукувањата на срцето⁷ и следење на кислородот во крвта⁸. Корисниците имаат избор од повеќе од 150 спортски режими, вклучувајќи шест активности кои автоматски се препознаваат. Напредните функции вклучуваат Bluetooth® calling⁹ што им овозможува на корисниците да одговараат на повиците со кревање рака и допирање. Достапен е или во сребрено сива или обсидијанска црна рамка плус соодветно ремче, или со избор на ремчиња во пастелно виолетова, темна цијан или ментол зелена боја.¹⁰

Напреден ANC и реален звук со Redmi Buds 5 Pro

Redmi Buds 5 Pro нуди попривлечно искуство за слушање со вграден импресивен звук и нови режими за реален звук. Слушалките исто така поддржуваат LDAC11, водечкиот Bluetooth® кодек за безжично поврзување со слушалки. Со до 52 dB активно поништување на бучавата (ANC) 12, Redmi Buds 5 Pro нуди избор од три ANC режими, адаптивен режим со вештачка интелигенција и три дополнителни режими на транспарентност кои им помагаат на корисниците интелигентно да се префрлаат помеѓу режимите за поудобно слушање во поширок спектар на сценарија.¹³ Корисниците исто така можат да ги персонализираат своите аудио искуства со пет различни EQ профили. Redmi Buds 5 Pro поддржува до 10 часа непрекинато слушање и до 38 часа постојано користење кога е поврзано со неговото ергономско куќиште.¹⁴ Redmi Buds 5 Pro е достапен во полноќна црна, месечево бела и аурора пурпурна.

Подобрени аудио искуства со Redmi Buds 5

Дизајниран да обезбеди подобрено аудио искуство, Redmi Buds 5 има до 46dB ANC со три режими кои покриваат широк опсег на бучава во заднина. Дополнително, трите начини на транспарентност¹⁵ им овозможуваат на корисниците да слушаат повеќе од она што го сакаат, а помалку од она што не го сакаат. Redmi Buds 5 поддржува до 10 часа континуирано слушање и до 40 часа користење кога е поврзан со неговата кутија за полнење.¹⁴ Овие слушалки се достапни во три бои: црна, бела или небесно сина. Куќиштето доаѓа со мат надворешност и сјајна внатрешност со атрактивен дизајн на светлечки ленти.

Серијата Redmi Buds 5 поддржува употреба на апликацијата Xiaomi Earbuds, која е компатибилна со различни брендови на паметни телефони. Со оваа апликација, можете да искусите проширена функционалност како што се персонализирано поништување на шум, интелигентно поништување на шум приспособлив на околината, приспособено подесување на EQ и вграден сеопфатен звук итн.¹⁶

Цена и достапност¹⁷

Redmi Note 13 Pro+ 5G постои во полноќна црна, месечево бела и аурора пурпурна, со две варијанти за складирање, почнувајќи од 27.999,00.

Redmi Note 13 Pro 5G се нуди во полноќна црна, океанско петролејна и аурора пурпурна со две варијанти за складирање, почнувајќи од 24.999,00.

Redmi Note 13 Pro постои во полноќна црна, лаванда виолетова, со две варијанти за складирање, почнувајќи од 20.499,00.

Redmi Note 13 постои во полноќно црна, ментол зелена, мраз сина и океан зајдисонце,¹⁸ со три варијанти за складирање, почнувајќи од 13.499,00.

Брзи спецификации од серијата Redmi Note 13

Промодели:

Основни модели:

Напомена

¹Сензорот за отпечаток на прст на екранот поседуваат Redmi Note 13 Pro+ 5G, Redmi Note 13 Pro 5G, Redmi Note 13 Pro и Redmi Note 13.

² Уредот со IP68 отпорност на прав и вода е сертифициран за отпорност на вода и прашина исклучиво под специфични лабораториски услови кои не одговараат на нормалните услови за употреба. Гаранцијата не покрива оштетувања предизвикани од течности или под други услови освен условите за тестирање. За повеќе информации, погледнете ја официјалната веб-страница на Xiaomi.

³Уредот со IP54 е тестиран за отпорност на прашина и прскање под специфични лабораториски услови кои не одговараат на нормалните услови за употреба. Гаранцијата не покрива оштетувања предизвикани од течности и од други услови освен условите за тестирање. За повеќе информации, погледнете ја официјалната веб-страница на Xiaomi.

⁴Достапноста на полначот во кутија може да варира н различни пазари.

⁵Вредноста во mAh се однесува на типичната вредност на капацитетот на батеријата.

⁶Податоци од внатрешните лаборатории на Xiaomi. Вистинските резултати може да варираат.

⁷Откако уредот ќе се вклучи за целодневно следење на отчукувањата на срцето, тој ќе следи одредена фреквенција во текот на денот. За повеќе детали за фреквенцијата и принципот на следење, ве молиме погледнете го описот во APP.

⁸Овој производ и неговите карактеристики не се дизајнирани за медицински цели и не се наменети за предвидување, дијагностицирање, спречување или лекување на некоја болест.

⁹Часовникот мора да биде поврзан со Bluetooth® на паметниот телефон. Гласовните повици од апликации од трети страни во моментов не се поддржани.

¹⁰Бојата на кутијата на ремчињата може да варира на различни пазари.

¹¹Проверете дали LDAC е активиран на паметните телефони компатибилните со AndroidTM OS со правилен избор на бит-стапки и исклучен звук со извонреден звук. Употребата на LDAC аудио кодек и подобниот звук меѓусебно се исклучуваат.

¹²Податоците од тестот за поништување на активна бучава се обезбедени од Националниот институт за метрологија, Кина. Производот постигнува ANC длабочина од 52 dB во одреден опсег на фреквенции и 4 kHz во одреден опсег на длабочина, но не истовремено. Тестовите се спроведуваат одделно. Вистинските резултати може да се разликуваат во зависност од употребата.

¹³Поставките за ANC и режимот на транспарентност се достапни само на апликацијата Xiaomi Earbuds.

¹⁴Нивото на батеријата е 100%, гласноста на слушалките е прилагодена на 50%, режимот за кодирање Bluetooth е AAC, а функцијата ANC, режимот на транспарентност и извонредниот звук се исклучени. Тестот на траење на батеријата е спроведен од производителот; податоците за тестирање се засноваат на симулација на сценарија од реалниот живот. Вистинските резултати може да варираат во зависност од ажурирањата на фирмверот, условите за користење, нивото на полнење и факторите на околината.

¹⁵Податоците од длабинскиот тест за поништување на бучавата се обезбедени од Националниот институт за метрологија, Кина. Производот достигнува 46dB ANC длабочина само при одреден опсег на фреквенции. Вистинските резултати може да варираат во зависност од условите за користење.

¹⁶Функциите може да се разликуваат за различни модели на серијата Redmi Buds 5. Ве молиме погледнете го конкретниот модел на слушалки за поддржаните функции. Корисниците на Android 6.0 и поновата верзија може да пристапат до апликацијата во Google Play. Корисниците на iOS 14.0 и поновите верзии може да пристапат до апликацијата во продавницата за апликации на iOS. За уредите со Android и iOS, ажурирајте ја апликацијата на 1.16.0i и 1.6.0 соодветно. Моделите на паметни телефони/таблети Xiaomi/Redmi/POCO може да поддржуваат некои од горенаведените функции во поставките за Bluetooth®. Ве молиме погледнете го вистинскиот производ за детали.

¹⁷Цените за различните пазари може да се разликуваат поради ДДВ, даноци и други фактори.

¹⁸Специфичните опции за боја може да се разликуваат на различните пазари.

¹⁹Вистинските мерења помеѓу поединечните производи може да варираат. Сите спецификации се предмет на вистинскиот производ.

²⁰Достапното складирање и RAM меморијата се помали од вкупната меморија поради складирањето на оперативниот систем и софтверот претходно инсталиран на уредот.

²¹Вистинската поддршка и компатибилноста на мемориските картички може да се разликуваат помеѓу производителите.

²²Достапноста на NFC може да варира помеѓу пазарите.

²³Достапноста на специфичните појаси може да варира помеѓу пазарите.

За корпорацијата Xiaomi

Xiaomi Corporation е основана во април 2010 година и котира на Главната табла на берзата во Хонг Конг на 9 јули 2018 година. Xiaomi е компанија за потрошувачка електроника и паметни производи со паметни телефони и паметен хардвер поврзани со IoT платформата во нивното јадро.

Прифаќајќи ја нашата визија „Спријателете се со корисниците и бидете најкул компанија во срцата на корисниците“, Xiaomi континуирано се стреми кон иновации, висококвалитетно корисничко искуство и оперативна ефикасност. Компанијата неуморно гради неверојатни производи со искрени цени за да им овозможи на сите во светот да уживаат во подобар живот преку иновативна технологија.

Xiaomi е една од водечките светски компании за паметни телефони. Во септември 2023 година, MAU на MIUI достигна приближно 623 милиони на глобално ниво. Компанијата, исто така, ја воспостави водечката светска потрошувачка AIoT (AI+IoT) платформа, достигна приближно 699 милиони паметни уреди поврзани на нејзината платформа (не земајќи ги предвид паметните телефони, лаптопите и таблетите) од 30 септември 2023 година. Производите на Xiaomi се присутни во повеќе од 100 земји и региони низ светот. Во август 2023 година, Xiaomi беше вклучен во листата на Fortune Global 500 петта година по ред, рангирајќи се на 360-то место.

Xiaomi е составен дел на Ханг Сенг индексот, Индексот на претпријатијата во Кина, Индексот за технологија Ханг Сенг и Ханг Сенг Кина 50 индексот.