Нови блескави парчиња накит со италијански наратив во Chapter03

Детали

недела, 17 декември 2023

Празниците се време за радост, љубов и подарување од срце. За најубавите моменти, одберете парче накит кое раскажува приказна.

Mакедонската стилска приказна која веќе шеста година се раскажува низ модниот симболизам на италијанскиот бренд Rebecca, доби ново поглавје.

Италијанското бренд-портфолио и официјално е збогатено со уште три познати брендови за накит: Rue des Mille, Rosato и Valentina Ferragni кои сега се достапни во Chapter03 во East Gate Mall.

Секој бренд засебно, е автентична приказна со италијански наратив, совршена за креирање нови авантури и трендовски доживувања.

На официјалното отворање имавме можност да се запознаеме со новите брендови, зад кои стојат приказни вредни за споделување.

RUE DES MILLE – семеен бренд основан пред 10 години (во 2013) од двајца браќа и сестри од семејството Пиерони.

Адресата на која започнала приказната за 100% prêt-à-porter накит, комплетно изработен во Италија, е улицата "Via dei Mille" а финалното име морало да содржи и ‘Р’ во чест на нивниот починат татко Роберто, па оттука брендот е именуван Rue des Mille.

• Секое парче накит е изработено од чисто сребро 925 со премаз од родиум или со позлата од 18 каратно злато во жолта или розе нијанса;
• Во мал дел од асортиманот се достапни и производи од чисто 18-каратно злато (најчесто во комбинација со лабораториски дијаманти или циркони);
• Како додатоци се користат природни камења, кристали и циркони;
• Секое парче од Rue des Mille накитот кое е боено, е емајлирано со премаз кој рачно се нанесува;
• Производите не содржат никел.

Денес Rue des Mille е еден од водечките брендови за накит во Италија омилен кај јавните личности во Италија, меѓу кои: Кјара Ферањи и нејзините сестри Валентина и Франческа, Аличе Кампело, актерката Сесилија Родригез, познати италијански пејачи и пејачки. 

VALENTINA FERRAGNI – дело на италијанската блогерка и инфлуенсерка (сестра на Кјара Ферањи).

Препознатливи се нејзините обетки UALI во форма на буквата V во различни впечатливи бои, рачно изработени.

По обетките, брендот се проширува со алки и ланчиња.

Секое парче накит на Валентина Ферањи е изработено од фини материјали како сребро 925, со позлата од 24 каратно жолто злато или платина.

Сите фази на изработка на накитот се спроведени рачно (леење на восочни калапи кои не содржат пластика, топење на сребрена легура на 1.033 степени, строго контролирана позлата, финиширање, поставување циркони и емајлирање);

• Во една серија, може да се произведат само 140 парчиња обетки;
• Позлата од 24 каратно жолто злато или платина;
• Цирконите и премазот се нанесуваат рачно;

ROSATO - Брендот Rosato е основан во 2004 година од Симона Росато.

Rosato е бренд за жени, создаден од жени.

Сите производи на Rosato се изработени од сребро со чистота 925 и позлата од 9 каратно розе злато.

Некои парчиња имаат додадено емајл (премаз) или се збогатени со циркони или полускапоцени камења (Rosato користи циркони НЕ кристали).

Најпродавана колекција е STORIE или приказна.

Најважните моменти во животот треба да се запомнат и да се зачуваат за себе, а сите приврзоци од оваа колекција носат специфична порака;

Rebbeca ни е веќе позната и препознатлива приказна која успешно се гради и расте во Македонија од 2018 година.