Преработки на македонски песни кои будат носталгија - Кои хитови добија модерни верзии?

Тамара ја препеа „Шила“ од Маја Оџаклиевска, Каролина испеа своја верзија на песната „Ако згрешам нека изгорам“ од Пепи Бафтировски, а Игор Џамбазов ја преработи „Жаклина“ од Цане Николовски. Кои други познати песни добија нова верзија?

Многу стари песни ни будат носталгија, особено кога ќе ги слушнеме во нова верзија. Па, уште ако е песна со која сме растеле, нè разнежува и ни буди убави спомени...

Изминативе години слушаме многу преработки на познати македонски песни. Последна во низата е новата верзија на хитот „Магија“, што сега го испеаја Јован Јованов и Пајак, а која оригинално беше изведена (и победи) на Макфест во 1998 година. Песната тогаш ја пееше групата „Магија“, во која, исто така, членуваше Јован Јованов.

Преработки на познатите македонски хитови има и Каролина Гочева, која ја испеа „Ако згрешам нека изгорам“. Кавер на оваа песна за шоуто „Пинкови ѕвездички“ направи и Антониа Гиговска.

Легендарната „Молитва“ од Виолета Томовска ја препеаја Eye Cue, а најголемата асоцијација за Велигден, песната „На Велигден“ веќе не се врзува само за Џина Папас Џокси, туку и за Ламбе Алабаковски.

Кои познати песни добија нова верзија?

„На Велигден“ - Џина Папас Џокси vs. Ламбе Алабаковски

„Магија“ - „Магија“ vs. Јован Јованов со Пајак

„Молитва“ - Виолета Томовска vs. Eye Cue

„Ако умрам нека изгорам“ - Пепи Бафтировски vs. Каролина Гочева vs. Антониа Гиговска

Продолжува на следната страница...