Глумци кои им ги „украле“ пред нос улогите на нивни колеги

Откако продуцентите ги ангажирале за филмот, па дури снимиле и повеќе сцени, некои си ги покажале вистинските лица во суровиот свет на Холивуд. Заменети се со други имиња од струката, кои без колебање им го заземале местото. На чија добивка или штета?

Филмските ѕвезди што ви ги откриваме во продолжение се дел од „несреќниците“ кои во последен час останале без работен ангажман. Ликовите им ги одиграа други, наводно посоодветни актери, бидејќи според образложението на режисерите, тие сепак подобро би се вклопиле во приказната.

Ова се глумците кои им ги „украле“ пред нос улогите на нивни колеги:

Мелиса Мекарти на Џулиен Мур

Во текот на едно телевизиско интервју, црвенокосата актерка призна дека таа всушност требало да ја игра главната улога во филмот „Can You Ever Forgive Me?“, за на крајот истата да ѝ припадне на Мелиса Мекарти.

До замената наводно дошло поради различните замисли на режисерот за тоа како треба да изгледа ликот, наспроти сугестиите од страна на Џулиен Мур.

Скарлет Јохансон на Саманта Мортон

Откако ги снимила сите гласовни пораки за филмот „Her“, режисерот ѝ приредил студен туш на актерката Саманта Мортон.

Тој одлучил дека за ликот во споменатиот проект, кадешто гласот игра најважна улога, сепак е посоодветен избор нејзината далеку попозната и згодна колешка Скарлет Јохансон.

Виго Мортенсен на Стјуард Таунсенд

Уште поскандалозен е ангажманот на Стјуарт Таунсенд во рамки на фантастичниот филмски серијал „The Lord of the Rings“. Ирскиот актер поминал два месеци во тренинзи и снимања, за на крајот да биде заменет, наводно без да го исплатат ни долар за вложениот труд.

Улогата подоцна му припадна на колегата со данско потекло Виго Мортенсен.

Мишел Фајфер на Анет Бенинг

Култната жена-мачка во филмот „Batman Returns“ е улога што според планот на режисерот Тим Бартон требало да ѝ припадне на Анет Бенинг. Меѓутоа, славната глумица останала бремена, а со тоа и без работен ангажман на проектот.

Нејзиниот лик го презеде сексапилната колешката Мишел Фајфер, користејќи ја шансата да да заблеска на големото платно. И доби тројно поголем хонорар од предвидениот за претходничката.

Продолжува на следната страна...