Морничави филмови и серии со психопати кои потајно ги обожаваме

Fight Club

Во овој неверојатен филм на Дејвид Финчер исполнет со многу адреналин и пресврти, нараторот страда од несоница. Низ низа на бизарни настани тој ќе се запознае со Тајлер Дурден, бестрашен и практично несопирлив млад човек кој прави сапуни.

Двајцата ќе формираат боречки клуб во подземјето, кој ќе се претвори во нешто многу поголемо и поопасно.

Hannibal

Три неверојатни сезони кои ја следат врската помеѓу еден од најозлогласените сериски убијци во филмската кинематографија, комплексниот лик на доктор Ханибал Лектор и Вил Греам, млад и ентузијастички настроен полицаец кој на одреден начин сочувствува и се обидува да ги разбере психопатите кои ги гони.

Sexy Beast

Дон Логан е брутален гангстер кој има испланирано само уште една последна задача. За таа цел тој ќе го повика Гал на помош, кој одамна е пензиониран од криминалните активности. Она што треба да биде успешна мисија се претвора во тотален неуспех за двајцата.

Dexter

Убиецот со „меко срце“. Убиството е во неговата природа, а Декстер успешно ја контролира. Тој однадвор е прибран, сериозен и вреден млад човек кој (иронично) работи во полиција, а ноќе ги „лови“ само оние кои навистина заслужуваат да бидат убиени.

8 неверојатни сезони, а особено внимание обрнете на маестралната 4 сезона со Џон Литгоу во главната улога покрај Мајкл Хол.

American Psycho

Класика, апсолутно култен лик помеѓу психопатите кои обожаваме „да ги мразиме“. Патрик Бејтман е богат њујоршки инвеститор, кој успешно го крие своето насилно алтер-его од колегите и пријателите, додека неговите фантазии му бегаат од контрола.

(О)Милена | Црнобело