Чувството кога по третпат си избран за STUBRAND – CRNOBELO.com премиум STUBRAND за 2017

Детали

вторник, 09 мај 2017

Со големо задоволство сакаме да споделиме дека годинава, трета година по ред сме број еден сајт во Македонија и единствен PREMIUM STUBRAND во својата категорија според мислењето на студентите и младите лица од 19-27 години.

Во овогодинешното истражување учествуваа 1.054 студенти од сите универзитети во Македонија.

Според регионалниот директор на STUBRAND, д-р Виктор Ѓорѓиески, ова трето признание за CRNOBELO.com е само потврда за посветеноста и професионализмот на креаторите на сајтот. Тој вели:

„Фактот што токму сајтот CRNOBELO.com кој е лајфстајл сајт е трета година по ред број еден избор на студентите укажува на тоа дека младите во Македонија знаат да препознаат квалитетни и корисни содржини. Студентите се најискрената група граѓани и токму поради тоа креаторите на брендот CRNOBELO.com треба да се горди на нивниот успех.“

И навистина сме горди. Кога ни соопштија за наградата си рековме: „Изгледа навистина ги правиме работиве како што треба“.

Убаво е чувството кога добиваме вакви признанија кои се искрени и реални и кои ни даваат мотивација да продолжиме да го правиме она што го сакаме.

Убаво е кога ти се цени трудот и енергијата која секојдневно ја вложуваш во работењето.

Ние продолжуваме понатаму, некако стануваме посесивни за наградава, ќе се трудиме да си ја добиеме и догодина :-)

Ви благодариме дечки и девојки, заедно можеме да си го направиме секој ден поубав!

Тимот на CRNOBELO.com