Перо Антиќ се огласи по скандалот за наводната тепачка со бившиот на Катарина Ивановска: „Се пишува за лик кој не постои во мојов живот“
- Детали
- среда, 01 ноември 2023
„За мене е јадно да се пишува за случка која не се случила како опишаното, за лик кој не го ни познавам, а уште помалку за лик кој не постои во мојов живот. Зарем мислите дека некој може да ме избрка од кој било локал, каде било?“, напиша на Инстаграм Перо Антиќ, по наводната тепачка со Цобе, поранешниот партнер на Катарина Ивановска.
Се огласи Перо Антиќ откако неколку медиуми вчера (31.10) објавија дека тој, се степал со поранешниот партнер на Катарина Ивановска, Цобе, со кого моделот има две деца. Во тепачката, наводно „летале“ чаши на сите страни, а Антиќ бил избркан од локалот.
По ова претседателот на Кошаркарската федерација на Македонија, даде свој коментар за целата ситуација.
На својот Инстаграм, Перо Антиќ напиша:
„Никогаш јавно не се обраќам за нешто напишано, уште помалку ми паѓа на памет да се објаснувам, ама се претерува со апсолутно никаква новинарска етика и неинформирани извори.
За мене е јадно да се пишува за случка која не се случила како опишаното, за лик кој не го ни познавам, а уште помалку за лик кој не постои во мојов живот.
Зарем мислите дека некој може да ме избрка од кој било локал, каде било?
За жал, со сите овие натписи само ја храниме младината со токсини, наместо да ги информираме за спорт, култура, уметност и да ги учиме на вистински вредности.“
Тепачката, наводно се случила во познат скопски ноќен клуб поради Катарина, која сега веќе му е бивша и на Антиќ. Наводно, Цобе фрлил шише и чаша кон Перо, но наместо него, погодил трето лице.
По ова реагирало обезбедувањето и Антиќ, наводно, бил избркан од клубот.
За потсетување, Перо и Катарина беа во врска откако поранешниот кошаркар се разведе од сопругата Ружица Антиќ, со која има три сина.
Тие долго време се криеја од јавноста, но се појавија заедно на премиерата на филмот „Кајмак“ на Милчо Манчевски во Скопје и на уште неколку настани, а откако ја потврдија врската објавуваа и заеднички фотки на своите профили на Инстаграм.
Катарина од врската со Цобе има две деца, синот Вања и ќерката Кира.
А. Ј. | Црнобело
Би можело да ве интересира:
Препорачуваме
Најчитани неделава
